सेतो खबरद्वारा प्रकाशित गरिएको हो |
रुसको राजधानी मस्कोको बारही ईलाकामा आइतबार विमान दुर्घटनाग्रस्त भएको छ । उक्त दुर्घटनामा परी ७१ जनाको मुत्यु भएको छ । रुसी न्युज एजेन्सिका अनुसार विमान सारातोव एयरलाइन्सको भएको र उक्त विमानमा ६५ जना यात्री तथा ६ जना कू्र मेम्बर सवार रहेको जनाएको छ ।
समाचार एजेन्सि तासका अनुसार, एंटोनोव एएन–१४८ नामको विमान डोमोडेडोवो विमानस्थलबाट उडान भरेको २ मिनेट पश्चात नै राडार को पुहुचबाट सम्पर्कविहिन भएको थियो र मस्कोको वाहिरी क्षेत्रमा रहेको रेमेस्कीमा दुर्घटनाग्रस्त भएको थियो । विमान आरेनबर्ग इलाकामा रहेको रुसी शहर आस्र्कमा जादै गरेको अवस्थामा दुर्घटनाग्रस्त भएको बताइएको छ । उक्त इलाका काजकिस्तानको सीमामा रहेको छ । विमानमा सवार ६० भन्दा बढि मानिसहरु आरेनबर्गका रहेका छन् ।
एजेन्सिका एक सुत्रले बताए अनुसार विमान दुर्घटना भएको क्षत विक्षत विमान फेला परेको र उक्त घटनामा कोही पनि जिवित नरहेको बताएको छ ।
न्युज एजेन्सिका अनुसार अरुगुनोवो गाउका मानिसहरुले विमान अकाशमा जल्दै जमिनमा खस्दै गरेको देखेको बताएका छन् । विमान के कति कारणले दुर्घटना भयो सो को जानकारी अहिलेसम्म वाहिर आएको छैन । रुसी यातायात मन्त्रालयले भने खराब मौसम तथा पाइलटको गल्तीसहित सबै सम्भावीत कारणहरुलाई लिएर विमान दुर्घटनाको जाँचबुझ शुरु गरेको छ ।
रुसले निर्माण गरेको उक्त विमान सात बर्ष पुरानो भएको तथा सारातोव एयरलाइन्सले उक्त विमान एक बर्ष पहिला नै दोस्रो रुसी एयरलाइन्सबाट किनेको बताइएको छ ।
रुसी मिडियाको खबर अनुसार आपतकालीन सेवाका अधिकारी तथा कर्मचारी उद्धारका लागी सवारी साधनबाट दुर्घटना स्थलसम्म पुग्न नसक्दा राहत तथा उद्धारकर्मिहरु पैदल नै दुर्घटना स्थलसम्म गइरहेको बताइएको छ । रुसी यातायात मन्त्रि पनि उक्त दुर्घटनास्थलमा पुगेको खबर आएको छ ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा