सेतो खबर
काठमाडौं, वैशाख २ । विद्यालय शिक्षा ऐन जारी गर्नुपर्ने लगायत विभिन्न माग राख्दै आन्दोलनमा रहेका शिक्षक प्रतिनिधिहरूसँग नेपाली कांग्रेसका दुई महामन्त्रीले आज विशेष छलफल गरेका छन्।
नेपाली कांग्रेसका महामन्त्री गगन थापा र विश्वप्रकाश शर्माले पार्टीको केन्द्रीय कार्यालय सानेपामा आन्दोलनरत शिक्षक अगुवाहरूसँग भेट गरी उनीहरूको मागबारे विस्तृत छलफल गरेका हुन्।
नेपाल शिक्षक महासंघको नेतृत्वमा देशभरका शिक्षकहरू गत चैत २० गतेदेखि काठमाडौंको माईतीघर मण्डलमा भेला भई अनिश्चितकालीन शैक्षिक हड्तालसहित आन्दोलन गरिरहेका छन्। आन्दोलनरत शिक्षकहरूले विद्यालय शिक्षा ऐन तुरुन्त जारी गर्नुपर्ने, पेशागत सुरक्षाको प्रत्याभूति हुनुपर्ने, आन्तरिक प्रशासनिक संरचना सुधार गरिनुपर्ने लगायतका माग राखेका छन्।
शिक्षक प्रतिनिधिहरू र सरकारले यसबीचमा दुईपटक वार्ता गरे पनि कुनै ठोस सहमति बन्न सकेको छैन। शिक्षक महासंघले सरकार वार्तामा गम्भीर नभएको आरोप लगाउँदै आन्दोलनलाई थप सशक्त बनाउने चेतावनी दिँदै आएको छ।
आजको छलफलपछि कांग्रेस महामन्त्री गगन थापाले सामाजिक सञ्जालमार्फत जानकारी दिँदै शिक्षकहरूको जायज मागप्रति पार्टीको ध्यानाकर्षण भएको र तिनको सम्बोधनका लागि पहलकदमी लिइने बताएका छन्। महामन्त्री विश्वप्रकाश शर्माले पनि शिक्षकका मागहरूप्रति संवेदनशील हुँदै सरकारलाई गम्भीरताका साथ समाधानतर्फ उन्मुख हुन सुझाव दिएका छन्।
शिक्षक महासंघका नेताहरूले शिक्षा क्षेत्रको समग्र सुधारका लागि आफूहरूले उठाएका मागहरू न केवल शिक्षकहरूको हितमा, तर सम्पूर्ण शिक्षा प्रणालीको गुणस्तर सुधारका लागि भएको जिकिर गर्दै राजनीतिक दलहरूले गम्भीर ध्यान दिनुपर्ने आवश्यकता औंल्याएका छन्।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
