सेतो खबर
वासिङ्टन, रोयटर्स। अमेरिकी राष्ट्रपति डोनाल्ड ट्रम्पले बुधबार फेरि एकपटक इरानलाई कडा चेतावनी दिएका छन्। उनले यदि इरानले आफ्नो आणविक कार्यक्रम अन्त्य गर्न सहमति जनाएन भने सैन्य बल प्रयोग गर्ने बताएका छन्। ट्रम्पले ओभल अफिसमा पत्रकारहरूसँग कुरा गर्दै इरान विरुद्धको सम्भावित कारबाहीमा इजरायलले प्रमुख भूमिका खेल्ने स्पष्ट पारे।
“म धेरै मागिरहेको छैन,” ट्रम्पले भने, “तर उनीहरूसँग आणविक हतियार हुन सक्दैन। यदि उनीहरू सहमत भएनन् भने, हामी सैन्य बल प्रयोग गर्न पछि पर्दैनौं। यसमा इजरायल हाम्रो अगुवा हुनेछ।”
राष्ट्रपति ट्रम्पले इरानलाई आणविक हतियार राख्न कहिल्यै दिइने छैन भन्ने दृढ अडान दोहोर्याए। “हामीलाई कसैले डोऱ्याउँदैन। हामी जे चाहन्छौं त्यही गर्छौं,” उनले स्पष्ट रूपमा भने।
साथै, ट्रम्पले हालै मात्र घोषणा गरेका थिए कि अमेरिका र इरानबीच तेहरानको आणविक कार्यक्रमबारे प्रत्यक्ष वार्ता सुरु हुने तयारी भइरहेको छ। तर उनले चेतावनी पनि दिए कि यदि वार्ता असफल भयो भने इरान “गम्भीर खतरामा” पर्नेछ।
यद्यपि, सम्भावित सैन्य कारबाही कहिले सुरु हुनसक्छ भन्ने प्रश्नमा ट्रम्पले केही खुलासा गर्न मानेनन्। “जब मलाई लाग्छ कुराकानी राम्रोसँग चलिरहेको छैन, तब अन्त्य गर,” उनले भने।
अहिलेको यो अभिव्यक्तिले मध्यपूर्वमा थप तनाव बढ्न सक्ने संकेत देखिएको छ।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
