२०८२ बैशाख २, मंगलबार

चीन–अमेरिका व्यापार युद्ध तीव्र: १०४% भन्सार करको जवाफमा चीन ‘अन्तिमसम्म लड्ने’, हलिउडमाथि प्रतिबन्धको चेतावनी

सेतो खबर

सेतो खबरद्वारा प्रकाशित गरिएको हो |

२०८१ चैत्र २६, बुधबार (६ दिन अघि)

अनुमानित पढ्ने समय : ८ मिनेट

१६६ पटक पढिएको

बीजिङ/वाशिङ्टन, एजेन्सी । विश्वका दुई आर्थिक महाशक्ति चीन र अमेरिका बीचको व्यापार युद्ध फेरि चर्किएको छ। अमेरिकाले चिनियाँ वस्तुहरूमा लगातार भन्सार कर वृद्धि गरेपछि चीनले पनि कडा प्रतिक्रिया जनाउँदै स्पष्ट चेतावनी दिएको छ—”हामी अन्त्यसम्म लड्नेछौं।”

डोनाल्ड ट्रम्पको नेतृत्वमा भन्सार नीतिमा आएको कडाइ र त्यसको चीनबाट भएको तीव्र जवाफले सम्पूर्ण विश्व अर्थतन्त्रलाई चासोको केन्द्रमा ल्याएको छ। विशेषज्ञहरूले यसलाई संभावित ‘आर्थिक शीतयुद्ध’ को रूपमा समेत मूल्याङ्कन गर्न थालेका छन्।

ट्रम्पको ट्यारिफ नीति: आक्रमक सुरुवात

ट्रम्प प्रशासनले चीन विरुद्ध कर नीति लागू गर्दै पहिलो चरणमा चिनियाँ वस्तुहरूमा २०% भन्सार कर लगाएको थियो। तर अप्रिल २ मा ट्रम्पले एक कदम अघि बढ्दै ३४% थप कर घोषणा गरे। यसलाई ‘चीन विरुद्धको आर्थिक युद्धको दोस्रो चरण’ मानिएको छ।

तर यतिमा कुरा रोकिएन। चीनले तुरुन्तै अमेरिकाको निर्णयको प्रतिकार गर्दै समान अनुपातमा ३४% कर लगायो। त्यसपछि झन् झस्किँदै ट्रम्पले थप ५०% कर लगाउने घोषणा गरे। यससँगै हालसम्म अमेरिकाले चीनमाथि कुल १०४% भन्सार कर लागू गरिसकेको छ।

चीनको प्रतिकृया: कूटनीतिक र आक्रामक दुवै मोर्चामा

चिनियाँ प्रधानमन्त्री ली छियाङले युरोपेली आयोग प्रमुख उर्सुला भोन डेर लेयनसँगको भेटवार्तामा स्पष्ट रूपमा भने:

“चीन कुनै पनि नकारात्मक बाह्य झट्काको सामना गर्न पूर्ण रूपमा सक्षम छ। ट्रम्पको ट्यारिफ धम्कीको बाबजुद पनि चीन सन् २०२५ सम्म दिगो र स्वस्थ आर्थिक वृद्धि कायम राख्नेछ।”

उनले अमेरिकी ट्यारिफ नीतिलाई “एकपक्षीयता, संरक्षणवाद र आर्थिक जबरजस्ती” को उदाहरण भने।

साथै, चिनियाँ वाणिज्य मन्त्रालयले आधिकारिक बयान जारी गर्दै भनेको छ,