सेतो खबर
रौतहट । रौतहटका एक युवक संगीत क्षेत्रमा उत्कृष्ट गरे वापत थाइल्यान्डमा पुरस्कृत भएका छन ।
वृन्दावन नगरपालिका वडा नम्वर ३ विश्राम्पुर घर भएका गायक तथा संगीतकार रामबाबु राउत जिनियस अन्तर्राष्ट्रिय पुरस्कारबाट सम्मानित भएका हुन ।
विगत लामो समयदेखि साँगीतिक क्षेत्रमा क्रियाशील राउतले थाइल्यान्डको राजधानी बैंककमा गएको २५ मार्चमा आयोजित जिनियस अन्तर्राष्ट्रिय उत्कृष्ट सम्मान पाएका छन् । यस क्षेत्रका युवा अन्तर्राष्ट्रिय पुरस्कारबाट सम्मनित हुनु जिल्लाको शान र मान दुवै बढाउने कार्य भएको गायक सुर्य कमल राई दनुवारले बताए ।
यस किसिमको पुरस्कारले संगीत क्षेत्रलाई अझ उचाई थप्ने उनको भनाइ छ । लोक गीतदेखि लिएर आधुनिक संगीतको क्षेत्रमा समेत आफनो विशेष पहिचान बनाइसकेका संगीतकार राउतले सम्मानले प्रेरणा मिलेको बताए ।
नेपाली संगीत क्षेत्रमा राउतले महत्वपूर्ण योगदान दिदै आएकोमा उनलाई प्रदान गरिएको जिनियस अन्तरराष्ट्रिय उत्कृष्ट सम्मान पुरस्कार २०२५ ले झन् उत्साह र प्रेरणा दिएको तथा आउने दिनमा राउतको गायन एवं साँगीतिक क्षेत्रमा स्वर्णीम युग बन्ने अपेक्षा गरिएको छ ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
