दोहोरो अंङ्कले घट्यो नेप्से

काठमाडौँ । पछिल्लो तीन कारोबार दिन बढेको शेयर बजार आज भने घटेको छ । शेयर बजार परिसूचक नेप्से आज मंगलबार १६ दशमलव ९५ अङ्कले घटेर २ हजार ६७६ दशमलव १७ विन्दुमा झरेको छ ।

नेप्सेसँगै कारोबार रकम पनि घटेको यसदिन ३२० वटा कम्पनीका १ करोड ६ लाख कित्ता शेयर ५ अर्ब ७९ करोड रुपैयाँमा किनबेच भएको छ । सबैभन्दा धेरे हिमालयन रिइन्सुरेन्सको ६४ करोड २५ लाखको शेयर किनबेच भयो ।

आज व्यापार बाहेक सबै समूहको शेयर घटेकोमा फाइनान्स र होटल समूहको शेयर साढे १ प्रतिशतभन्दा धेरैले ओरालो लागेको छ ।

आज गुराँस लघुवित्त कम्पनीको शेयर सबैभन्दा धेरै साढे ५ प्रतिशतले घटेको छ । समग्रमा बजार घटेको दिन गार्डियन माइक्रो लाइफ इन्सुरेन्स कम्पनीको शेयर १० प्रतिशतले बढेको छ ।