सेतो खबर
लन्डन, एएफपी । बेलायतका राजा चार्ल्स तृतीय बिहीबार आफ्नो क्यान्सर उपचारका साइड इफेक्टका कारण अस्पताल भर्ना भएका छन्। बकिङ्घम दरबारले पुष्टि गरेको छ कि निर्धारित औषधीय उपचारको असरले गर्दा उनको स्वास्थ्य अस्थायी रूपमा बिग्रिएको थियो।
७८ वर्षीय राजा फेब्रुअरीदेखि क्यान्सर उपचार गराइरहनुभएको छ। यस क्रममा केही सामान्य तर चिन्ताजनक प्रतिक्रिया देखिएको कारण उहाँलाई तुरुन्तै अस्पताल लगिएको थियो। यद्यपि, दरबारका श्रोतहरूका अनुसार चिन्ता लिनुपर्ने कुनै अवस्था छैन।
“आज बिहान, क्यान्सरको लागि नियमित र निरन्तर चिकित्सा उपचार पछि, महामहिमले अस्थायी साइड इफेक्टहरू अनुभव गर्नुभएको थियो, जसका कारण छोटो समयका लागि उहाँलाई अस्पताल भर्ना गर्नुपर्यो। तर, चिन्ता लिनुपर्ने कुनै कुरा छैन,” बकिङ्घम दरबारको आधिकारिक विज्ञप्तिमा भनिएको छ।
उहाँको स्वास्थ्य स्थितिलाई ध्यानमा राख्दै बिहीबारका सबै कार्यक्रमहरू स्थगित गरिएको छ भने, चिकित्सकीय परामर्श अनुसार शुक्रबारका भेटघाटहरू पुन: तालिकाबद्ध गरिनेछन्। राजा चार्ल्स तृतीय अस्पतालबाट डिस्चार्ज भई अहिले क्लेरेन्स हाउसस्थित आफ्नो निवासमा आराम गरिरहनुभएको छ।
बीबीसी स्रोतहरूका अनुसार यी साइड इफेक्टहरू अपेक्षित र सामान्य नै थिए, तर सुरक्षाका लागि अस्पतालमा भर्ना गरिएको हो। हाल उहाँको स्वास्थ्य स्थिर रहेको बताइएको छ।
राजा चार्ल्स तृतीय सेप्टेम्बर ८, २०२२ मा आफ्नी आमा महारानी एलिजाबेथ द्वितीयको निधनपछि बेलायतको राजा बन्नुभएको थियो। उहाँले आफ्नो क्यान्सर उपचारसँगै सावधानी अपनाउँदै राजकीय जिम्मेवारीहरू पूरा गरिरहनुभएको छ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
