सेतो खबर
काठमाडौं, चैत ११ । नेपाल राष्ट्र बैंकको संयोजनमा एभरेष्ट बैंक लिमिटेडले मिति २०८१/१२/०४ देखि १० सम्म ग्लोबल मनी वीक २०२५ को अवसरमा सप्ताहव्यापी वित्तीय साक्षरता कार्यक्रम सञ्चालन गरेको छ। यस कार्यक्रममा बैंकले सातै प्रदेशका विभिन्न शाखा कार्यालयहरूमा विद्यालय र क्याम्पसका विद्यार्थीहरूलाई वित्तीय साक्षरता र डिजिटल बैंकिङ्गका विषयमा जानकारी प्रदान गरेको हो।
बैंकले कुल झण्डै ३००० भन्दा बढी विद्यार्थीलाई विभिन्न वित्तीय सेवाहरू, बचत, कर्जा, डिजिटल कारोबार, पिन नम्बर र ओटीपी सुरक्षा, वित्तीय समावेशीकरण, र बैंक सेवाहरूको महत्त्वबारे प्रशिक्षण दिएको थियो। यस कार्यक्रमको प्रमुख उद्देश्य विद्यार्थीहरूमा वित्तीय अनुशासन, सुरक्षित डिजिटल कारोबारको महत्त्व र विभिन्न बैंकिंग सेवाहरूको बारेमा सचेतना फैलाउनु थियो।
एभरेष्ट बैंकले यो कार्यक्रम “Think Before You Follow, Wise Money Tomorrow” भन्ने नारासहित आयोजना गरेको हो। यस अभियानमा सहभागी विद्यार्थीहरूलाई बैंकको शाखा अवलोकन पनि गराइएको थियो र बैंकले प्रदान गर्ने सेवा र सुविधाबारे जानकारी दिइएको थियो।
एभरेष्ट बैंक, जुन भारतको पंजाब नेशनल बैंकसँग साझेदारीमा सञ्चालन भइरहेको छ, नेपालको १३१ शाखा र ४ एक्सटेन्सन काउण्टरमार्फत सेवाहरू प्रदान गर्दै आएको छ। साथै, यस बैंकले नेपाल सरकारको राजस्व संकलनको लागि ३२ वटा संकलन केन्द्रबाट पनि सेवा दिइरहेको छ। बैंकले डिजिटल बैंकिङ्ग, मोबाइल बैंकिङ्ग, र इन्टरनेट बैंकिङ्ग सेवाहरूको माध्यमबाट आफ्नो ग्राहकलाई उत्कृष्ट सेवा प्रदान गर्दै आएको छ।
संगठनको भविष्यमा पनि वित्तीय साक्षरता र डिजिटल बैंकिङ्गमा जारी राख्ने प्रतिबद्धता व्यक्त गर्दै, एभरेष्ट बैंकले आफ्नो सेवाहरू अझ गुणस्तरीय र प्रविधिमा आधारित बनाउन निरन्तर प्रयास गर्नेछ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
