सेतो खबर
काभ्रे । सिन्धु विकास बैंक लिमिटेडले पनि ग्लोबल मनी वीक २०२५ अवसरमा विभिन्न वित्तीय साक्षरता कार्यक्रमहरूको आयोजना गरेको छ। बैंकका शाखा कार्यालय बनेपा र नारायणगढको आयोजना गरिएको यो कार्यक्रम मिति २०८१ चैत्र १० गते काभ्रे स्थित श्री संकल्प क्याम्पस र भरतपुर स्थित श्री बालकुमारी कलेजमा सम्पन्न भएको हो।
श्री संकल्प क्याम्पसमा स्नातक तहका ६५ जना विद्यार्थी र श्री बालकुमारी कलेजमा कक्षा ११ र १२ का ७० जना विद्यार्थीको उपस्थिति रहेको थियो। बैंकका प्रतिनिधिहरूले विद्यार्थीहरूलाई वित्तीय सेवा, बचत, कर्जा, लगानी, खर्च र बजेटको बारेमा जानकारी दिइएका थिए। साथै, डिजिटल बैंकिङ प्रणालीको उपयोग र त्यसका चुनौतीहरूका बारेमा पनि विद्यार्थीहरूलाई विस्तृत जानकारी प्रदान गरिएको थियो।
सिन्धु विकास बैंक नेपाल राष्ट्र बैंकबाट ‘ख’ वर्गको इजाजतपत्र प्राप्त क्षेत्रीय विकास बैंक हो। यो बैंक काभ्रेपलाञ्चोक, सिन्धुपाल्चोक, दोलखा, चितवन र मकवानपुर जिल्लामा कार्यरत रहेको छ। हाल यस बैंकका २६ वटा शाखा कार्यालयहरू सञ्चालनमा छन् र आगामी दिनहरूमा पनि वित्तीय साक्षरतासम्बन्धी कार्यक्रमलाई निरन्तरता दिने प्रतिबद्धता व्यक्त गरेको छ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
