सेतो खबर
काठमाडौं, चैत ११ । नेपाल राष्ट्र बैंकको संयोजनमा चैत ४ देखि १० गतेसम्म आयोजित ग्लोबल मनी वीक २०२५ को अवसरमा सांग्रिला डेभलपमेन्ट बैंक लिमिटेडले विभिन्न वित्तीय साक्षरता कार्यक्रम सञ्चालन गरेको छ। सातै प्रदेशमा रहेका बैंकका शाखाहरूले विद्यालय तथा क्याम्पसका विद्यार्थीहरूका साथै आम नागरिकलाई वित्तीय ज्ञान प्रदान गर्न विभिन्न सचेतनामूलक कार्यक्रम आयोजना गरेका छन्।
बैंकले ब्याजदर, कर्जा, रेमिट्यान्स, डिजिटल बैंकिङ, पिन नम्बर, ओटीपी तथा पासवर्ड सुरक्षासम्बन्धी जानकारी प्रदान गर्नुका साथै बचत, लगानी तथा बैंकसँग कारोबार गर्दा हुने फाइदाबारे तालिम सञ्चालन गरेको छ। साथै, बैंकले जनचेतनामूलक ¥यालीहरू आयोजना गरी वित्तीय सचेतना अभिवृद्धि गर्न योगदान पुर्याएको छ।
सांग्रिला डेभलपमेन्ट बैंकले सामाजिक सञ्जालमार्फत पनि विभिन्न चेतनामूलक श्रव्यदृश्य सामग्रीको प्रचार-प्रसार गरेको छ। बैंकका अनुसार ग्राहकहरूको प्रगाढ विश्वास र भरोसाले गर्दा हाल मुलुकभर ११२ शाखा कार्यालय र ३० वटा एटीएममार्फत सेवा प्रदान गरिरहेको छ।
संस्थागत सुशासन, जोखिम व्यवस्थापन, र आन्तरिक नियन्त्रण प्रणालीको उत्कृष्ट अभ्यासलाई पालना गर्दै आएको सांग्रिला डेभलपमेन्ट बैंकले आगामी दिनमा आफ्नो सेवा अझ गुणस्तरीय बनाउँदै लैजाने प्रतिबद्धता व्यक्त गरेको छ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
