सेतो खबर
काठमाडौं । कानून, न्याय तथा संसदीय मामिलामन्त्री अजयकुमार चौरसियाले नेपालको भन्दा भारतको कानून कडा भएको बताएका छन् । मंगलबार कानून, न्याय तथा मानव अधिकार समितिको बैठकमा बोल्दै उनले अपराधिक विषयमा भारतको कानून कडा भएको बताएका हुन् ।
उनले भने, ‘कानूनले के भन्छ भने सयवटा दोषी छुटेपनि एउटा निर्दोष पर्नु हुँदैन। म भारतको बोर्डर नजिकैको मान्छे हुँ ।
भारतीय सिमानामै मेरो घर पर्छ । भारतमा फरार अभियुक्तलाई, धरौटी बुझाउन नसकेको अभियुक्तलाई सरकारले, प्रहरीले, घरमा जति सामान छ त्यो सबै उठाएर लैजान्छ । झ्यालढोका केही छाड्दैन् । घरबाट निकाल्ने सक्ने जे जे समान छ सबै उठाएर लैजान्छ । नेपालको कानूनमा यो छैन । त्यसैले मुद्दा फैसला गर्न नै समस्या छ । भारतको कानून अपराधिक मामिलामा धेरै नै कडा छ ।’
साथै उनले परियोजन लाग्ने बित्तिकै सबै मान्छे दोषी र सबै निर्दोष हुन्छन् भन्ने नहुने बताए । उनले नेपालको जुन न्याय दिने अदालत छ त्यसलाई सबैले उच्च मूल्यांकन गर्नुपर्ने बताए ।
यसैगरी रास्वपाकी सांसद सोविता गौतमले हिरासतमा बसेका कैदी बन्दीहरुलाई श्रमसँग जोड्न आग्रह गरेकी छन् ।
उनले सरकारले छिटो भन्दा छिटो कैदी बन्दीहरुलाई श्रमसँग जोड्ने कार्यक्रम ल्याउन आग्रह गरेकी हुन् ।
काठमाडौं । देशमा जहानियाँ राणा शासनका बेला उच्च शिक्षा अध्ययन गर्ने केन्द्रका रुपमा स्थापना भएको त्रिचन्द्र बहुमुखी क्याम्पसको पृथक महत्व छ । राजा त्रिभुवनले उद्घाटन... विस्तृतमा
