दोहोरो अंङ्कले घट्यो नेप्से, २५ सय विन्दुमा बजार

काठमाडौँ, १६ पौष । शेयर बजार परिसूचक नेप्से आज उच्च अङ्कले घटेको छ । शेयर बजार परिसूचक नेप्से आज मंगलबार ३३ दशमलव ०८ अङ्कले घटेर २ हजार ५७६ दशमलव ५० विन्दुमा झरेको छ ।

यसदिन ३०८ वटा कम्पनीको १ करोड ३१ लाख कित्ता शेयर ५ अर्ब ६७ करोड रुपैयाँमा किनबेच भएको छ । सबैभन्दा धेरे प्रभु बैंकको ३५ करोड ९४ लाखको शेयर किनबेच भयो ।

आज अन्य बाहेक सबै समूहको शेयर घटेकोमा विकास बैंक, वित्त, होटल, जलविद्युत्, बीमा, उत्पादन, लघुवित्त, व्यापार समूहको शेयर उच्च अङ्कले ओरालो लागेको छ ।

आज सपोर्ट लघुवित्त, जानकी फाइनान्स, पोखरा फाइनान्स र नारायणी विकास बैंकको शेयर १० प्रतिशतले घटेको छ । समग्रमा बजार घटेको दिन नदीप लघुवित्त र उपकार लघुवित्त कम्पनीको शेयर भने सबैभन्दा धेरै ४ प्रतिशतले बढेको छ ।