सेतो खबर
काठमाडौं । पूर्वउपराष्ट्रपति परमानन्द झाले पत्रकारहरुको कलममा देश बनाउने र बिगार्ने क्षमता भएको बताएका छन् ।
शुक्रबार काठमाडौंमा आयोजित न्यूज लाइन्स् मिडिया प्रा.लीको नवौं वार्षिकोत्सव तथा सम्मान कार्यक्रममा उनले पत्रकारहरुले आफ्नो कलमलाई निष्पक्ष, राम्रो र उपयुक्त समयमा प्रयोग गर्नुपर्ने बताएका हुन् ।
उनले भने, ‘तपार्इंको कलममा देश बनाउने र बिगार्ने क्षमता पनि छ । तरवारभन्दा कलमको महत्व बढि छ । त्यसैले पत्रकारहरुले आफ्नो कलमलाई निष्पक्ष, राम्रो र उपयुक्त समयमा प्रयोग गर्नुपर्छ । मिडियाको अधिकार, मिडियाले देश र समाजलाई दिनुपर्ने देन यही हो । थोरै लेखौँ, सत्य लेखौं र देशलाई राम्रो हुने कुरा लेखौँ ।’
यस्तै, उनले मिडियाको अर्थ भनेको सत्य कुरा लेख्नु भएको भन्दै पत्रकारको कलममा निष्पक्षता रहेन भने मिडियाको काम प्रभावकारी नहुने बताए ।
उनले भने, ‘मिडियाको अर्थ मैले जानेसम्म साचो कुरा लेख्ने हो । त्यसैले साचो कुरालाई लेख्ने काम गर्नुपर्छ गरेन भने त्यो मिडिया दुषित मिडिया भन्न सकिन्छ, सरकार चलाउनको लागि तीन वटा संस्था हुन्छ तर चौथो सरकारी अंगको रुपमा मिडियालाई पनि लिइन्छ । त्यसैले पत्रकारहरुले झुटो कुरा लेख्नुभयो, निष्पक्षता तपाईंको कलममा रहेन भने मिडियाको काम प्रभावकारी हुँदैन ।’
काठमाडौं । देशमा जहानियाँ राणा शासनका बेला उच्च शिक्षा अध्ययन गर्ने केन्द्रका रुपमा स्थापना भएको त्रिचन्द्र बहुमुखी क्याम्पसको पृथक महत्व छ । राजा त्रिभुवनले उद्घाटन... विस्तृतमा
