सहमति नजुट्दा संसद बैठक अन्यौलमा

काठमाडौ, जेठ १०– पटकपटक स्थगित हुँदै आज  ११ बजेलाई बोलाइएको व्यवस्थापिका संसद बैठक ११ः ४५  बज्दासम्म बस्न सकेको छैन ।
प्रतिपक्षी दल एमालेले संसद चल्न नदिने चेतावनी दिएपछि मंगलबार स्थगित भएको संसद बैठक सुचारु गर्न दलहरुवीच सहमसितको प्रयास भएपनि सफल नहुँदा आजको बैठक पनि अन्योलमा परेको हो । संसद बैठक चले प्रधानमन्त्री प्रचण्डले विशेष सम्बोधन र राजीनामा गर्ने बताइएको छ । यसअघि ११ बजेका लागि संसद बैठक तोकिएकाले प्रधानमन्त्री दाहालले त्यसअघि नै सहमति जुटाउने प्रयास गरेपनि दलहरुवीच कुरा मिल्न नसकेको बताइएको छ ।

प्रधानमन्त्रीले प्रमुख तीन दलका शीर्ष नेतासँग छलफल गर्ने भनिएपनि अझैं सुरु हुन सकेको छैन । ११ बजे नै संसद भवन नयाँ वानेश्वरमा प्रचण्ड पुगेपनि एमाले नेता झलनाथ खनालबाहेक अरु दलका नेता पुगेका छैनन् । प्रमुख प्रतिपक्ष दल एमालेले चुनावको बीचमा संविधान विपरित चुनावलाई नै प्रभावित गर्नेगरी सरकारले स्थानीय तहको संख्या बढाएको भन्दै संसद चल्न नदिने चेतावनी दिदै आएको छ ।