सेतो खबर
काठमाडौं, २२ कार्तिक । आईसीसी एक दिवसीय विश्वकपको बुधवारको खेलमा साबिक विजेता इङ्गल्यान्डले नेदरल्यान्ड्सलाई जितका लागि तीन सय ४० रनको लक्ष्य दिएको छ । टस जिती पहिले ब्याटिङको निर्णय लिएको इङ्गल्यान्डले निर्धारित ओभरमा नौ विकेट गुमाएर तीन सय ३९ रन बनाएको हो ।
पुणेस्थित महाराष्ट्र क्रिकेट एसोसिएसनको स्टेडियममा खेलिएको उक्त खेलमा इङ्गल्यान्डका लागि अनुभवी खेलाडी बेन स्टोक्सले सतकीय योगदान गरे । उनले टोलीका लागि अविजित एक सय आठ रन बनाए । आक्रामक रूपमा प्रस्तुत भएका स्टोक्सले केवल ८४ बलको सामना गरी ६ छक्का र ६ चौका पनि हिर्काएका थिए ।
त्यसअघि ओपनर ब्याट्सम्यान डेविड मलानले पनि टोलीका लागि ८७ रनको योगदान गरेका थिए । उनले केवल ७४ बलमा दुई छक्का र १० चौका प्रहार गरेका थिए । इङ्गल्यान्डले ४८ रनको कुल स्कोरमै आफ्नो पहिलो विकेट गुमाएको थियो ।
नेदरल्यान्ड्सका बलर बास डी लिडले तीन विकेट लिए । उनले १० ओभरमा ७४ रन खर्चिएका थिए । आर्यन दत्त र लोगन भान बिकले पनि दुई—दुई विकेट हात पारे । पल भान मिकेरनले पनि एक विकेट लिएका थिए ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
