कोशी प्रदेश प्रहरी परिसरमा बिधिवत रुपमा फुलपाती भित्राईयो

विराटनगर, ४  कार्तिक । कोशी प्रदेश प्रहरी गण बिराटनगर परिसरमा रहेको भगवति मंदिरमा बिधिवत रुपमा बडा दशैको फुलपाती भित्राईएको छ ।

आज बिहानको शुभ साईतमा कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक राजेशनाथ बास्तोलाले बिधिवत रुपमा पुजा अर्चना गरी बडा दशैको फुलपाती भित्राउनु भएको हो ।

कोशी प्रदेश प्रहरी गण रानी बिराटनगर परिसरमा रहेको भगवति मंदिरमा भएको पुजा समारोहमा बैण्ड बाजा सहित पुजाअर्चना गरी फुलपाती भित्राईएको हो । पुजा समारोहमा प्रहरी अधिकृत तथा प्रहरी कर्मचारीहरुको उपस्थिति रहेको थियो ।