सेतो खबर
काठमाडौँ, १६ साउन । नागरिक उन्मुक्ति पार्टी (नाउपा) दुइवटा मन्त्रालय लिएर सुदूरपश्चिम प्रदेश सरकारमा सहभागी हुने भएको छ ।
आज मंगलबार बिहान प्रधानममन्त्री निवास बालुवाटारमा प्रधानमन्त्री पुष्पकमल दाहाल प्रचण्डसँग भएको बैठकपछि नाउपा सरकारमा सहभागी हुन तयार भएको हो ।
प्रधानमन्त्री दाहाल, सुदुर पश्चिममा मुख्यमन्त्री कमल बहादुर शाह, नाउपाकी अध्यक्ष एवं भूमी व्यवस्था तथा सहकारी मन्त्री रन्जिता श्रेष्ठ र पार्टी संरक्षक रेशम चौधरीबीच सोमबार सरकारमा सहभागी हुने बिषयमा छलफल भएको थियो ।
नाउपाले कृषि मन्त्री र कृषी राज्यमन्त्री पाउने सहमति भएको छ । त्यसका लागि भोलि बुधबार नाउपाको संसदीय दलको बैठक बस्ने र सरकारमा सहभागी हुनेहरुको नामावली टुंगो लगाउने बताइएको छ ।
त्यसैगरी नाउपाले प्रदेशमा दुईवटा संसदीय समितिको सभापति पनि पाउने भएको छ ।
पार्टीका संरक्षक रेशम चौधरीले सहमति बनेकाले बिहिबार सरकारमा सहभागी हुन लागेको सामाजिक सञ्जाल मार्फत पुष्टि गरेका छन् ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
