यज्ञराज उपाध्याय 
टीकापुर, १६ माघ । टीकापुर उद्योग वाणिज्य संघको मुख्य आयोजनामा भएको टीकापुर महोत्सव २०७९ को आज एक कार्यक्रमका बीच समापन हुदैछ । समापन कार्यक्रमको प्रमुख अतिथि नेपाल उद्योग वाणिज्य महासंघका पूर्व अध्यक्ष चण्डीराज ढकाल रहेको सघंले जानकारी दिएको छ ।
कोरोना भाइरसको महामारीका कारण अघिल्ला वर्ष हुन नसकेको महोत्सव दुई वर्षपछि आयोजना गरिएको हो । यही माघ ४ गतेदेखि १५ गतेसम्मका लागि आयोजना गरिने भनिएको महोत्सव वर्षाका कारण बीचमा रोकिएपछि एक दिन थप गरिएको उद्योग वाणिज्य संघका सदस्य एवं सूचना तथा सञ्चार उपसमितीका संयोजक प्रकाश तिमिल्सिनाले जानकारी दिए ।
उनले दर्शकहरुको उपस्थिति आफुले अनुमान गरेको भन्दा राम्रो भएको बताए । पानी परेको बाहेक प्रतिदिन औसतमा २० हजारभन्दा बढीले महोत्सव अवलोकन गरेको र जम्माजम्मी २ लाख भन्दा बढीले महोत्सव अवलोकन गरेको संयोजक तिमिल्सिनाले जानकारी दिए ।
उनका अनुसार ४५ लाख बराबरको टिकट बिक्री भएको छ ।
यस्तै एक सय ५० स्टल रहेकोमा स्वउत्पादन र कृषि प्रर्दशनीका निःशुल्क स्टलको व्यवस्था गरेको उद्योग वाणिज्य संघका सदस्य एवं स्टल व्यवस्थापन उपसमिती संयोजक बम बहादुर ओलीले जानकारी दिए ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
