सेतो खबर
भद्रपुर । प्रधानमन्त्री केपी शर्मा ओली गृह जिल्ला झापा आइपुग्नु भएको छ । उहा केही समय अगाडी नियमित उडानबाट भद्रपुर विमानस्थल पुग्नु भएको हो । नेपालको राजनीतिमा पछिल्लो समय निक्कै महत्वपूर्ण राजनीतिक घटनाहरु भएपछि पहिलो पटक उहा गृह जिल्ला पुग्नु भएको छ ।
झापा क्षेत्र नम्बर ५ मा बन्ने चीन–नेपाल मैत्री औद्योगिक पार्क (चाइना–नेपाल फ्रेन्ड्शिप इन्डस्ट्रियल पार्क)को शिलान्यास उहाले केही समय पछाडी गर्दै हुनुहुन्छ । प्रधानमन्त्री ओलीकै निर्वाचन क्षेत्रमो यो पार्क बन्न लागेको छ । प्रधानमन्त्री ओलीसँगै नेकपा संसदीय दलका उपनेता सुवास नेम्वाङ, उद्योगमन्त्री लेखराज भट्ट लगायतका नेताहरु पनि हुनुहुन्छ ।
झापाको दमक नगरपालिका, कमल गाउँपालिका र गौरादह नगरपालिकामा फैलिने औद्योगिक क्षेत्रलाई ‘चीन–नेपाल मैत्री औद्योगिक पार्क’ नाम दिइएको छ । ६४ अर्ब रुपैयाँ लगानी रहने ‘चीन–नेपाल मैत्री औद्योगिक पार्क’ पीपीपी मोडलमा निर्माण गर्ने सम्झौता भइसकेको छ ।
सरकारले एक सातामा पाँच वटा औद्योगिक क्षेत्र शिलान्यास कार्यक्रम निर्धारण गरेको थियो । सो कार्यक्रमअनुसार फागुन १० गते कञ्चनपुरको दैजीछेला औद्योगिक क्षेत्र, फागुन ११ गते बाँकेको नौबस्ता औद्योगिक क्षेत्र, फागुन १३ गते रुपन्देहीको मोतीपुर औद्योगिक क्षेत्र र १४ गते मकवानपुरको मोतीपुर औद्योगिक क्षेत्र शिलान्यास भइसकेका छन् । हाल नेपालमा ११ वटा औद्योगिक क्षेत्र सन्चालित छन् ।
बिबिसि । नेपालमा अहिले कोरोनाभाइरस सङ्क्रमणको दर र त्यसबाट प्रभावित हुने उमेर समूहलाई लिएर सरकारी अधिकारीहरूले नै गम्भीर चिन्ता व्यक्त गरेका छन्। गत वर्षको भन्दा... विस्तृतमा
