नवरात्रिमा राशि अनुसार फुल चढाएर पाउनुहोस् माता दुर्गाको आशिर्वाद, कुन राशिलाई कुन फुल ?

सबै राशिहरुको लागी अलग–अलग रंग–फुल बताइएको छ, नवरात्रीमा माता दुर्गाको पुजा आफना ग्रह एवं राशि अनुसार बताइएको फुलले तपाई आफनो सबै मनोकामना पुरा गर्न सक्नुहुन्छ । माता दुर्गाको आराधनामा सबै राखिहरुको लागी कमलको फुल, जाभाकुसुम, गुलाब एव कनेर प्रजातिका सबै फुललाई शुभ मानिएको छ । यी फुलहरु द्धारा पुजा गर्नु माता दुर्गाको प्रसन्नताको लागी सर्वश्रेष्ठ मानिएको छ । सबै १२ राशिहरुको नेटिभ आफनो–आफनो राशि स्वामी अनुसार पनि माताको पुजा–अर्चना गर्दे स्वामी ग्रहको अनुकुलतामा वृद्धि गर्न सक्नुहुनेछ ।

मेष राशि
मेष राशिको स्वामी मंगल हो अतः यीनलाई रातो रंगको फुल माता दुर्गा लाई चढाउनु पर्दछ, साथै जाभाकुसुम, गुलाब, रातो कमल अथवा कुनै पनि प्रकारको रातो फुल होस त्यसबाट पुजा गर्दे माता भगवतीलाई प्रसन्न गर्दे मंगल जनित दोषको कुप्रभावबाट बचाउन सकिन्छ ।

बृष राशि
बृष राशिहरुको स्वामी शुक्र हो, माता दुर्गालाई श्वेत कमल, जाभाकुसुम, श्वेत कनेर, सदाबहार, बेला, हरिसिंगार आदि जति पनि श्वेत प्रजातिका फुलहरु छन ती फुलहरुले माताको आराधना गर्दे प्रसन्न गराउन सकिन्छ । यस्तो गर्नाले शुक्रको शुभतामा बृद्धि हुनेछ ।

मिथुन राशि
मिथुन राशिको स्वामी बुध हो, बुधलाई माताको असिमित माया प्राप्त छ अतः माताको पुजा पहेलो कनेर, जाभाकुसुम, द्रोणपुष्पी, मेरीगोल्ड र केभडा फुलबाट माता को आराधना गरेर अभीष्ट कार्य सिद्ध पनि गर्न सक्नुहुनेछ र बुधको कृपा पनि प्राप्त हुनेछ ।

कर्कट राशि
कर्कट राशिको स्वामी चन्द्र हो अत : सेतो कनेर, मेरीगोल्ड, गुडहल, सदाबहार, चमेली रातरानी र अन्य जति पनि प्रकारका सेतो र गुलावी फुलहरु छन् तीनीहरुबाट माताको आराधना गर्दे प्रसन्न गर्दे चन्द्र जनित दोषबाट मुक्ति पाउन सकिन्छ ।

सिंह राशि
सिंह राशिको स्वामी सुर्य हो जो सबै राशि, ग्रहर नक्षत्रको पनि स्वामी हुन् । यसलाई सबै पंचायतनमा स्थान प्राप्त छ यसकारण कुनै पनि प्रकारको फुल, कमल, गुलाब, गुडहलले माताको पुजा गर्नाले कृपा प्राप्त हुन्छ । गुडहलको फुल सुर्य र माता दुर्गाले अति नै मन पराउछन् ।

कन्या राशि
कन्या राशिको स्वामी बुध हो अत : गुडहल, गुलाब, मेरिगोल्ड, हरसिंगार एवं कुनै पनि प्रकारको अति सुगन्धित फुलले माता दुर्गाको आराधना गरेर आफनो मनोकामना पुरा गर्दे बुधसँग–सँगै अन्य ग्रहको अनुकुलता पनि प्राप्त गर्न सकिन्छ ।

तुला राशि
तुला राशिको स्वामी पनि शुक्र हो अत : सेतो कमल, कनेर, मेरिगोल्ड, जाभाकसुम, जुही, हरसिंगार, सदाबहार, केभडा, बेली चमेली आदि फुलबाट माता भगवतीको आराधना गर्दे उनको अनुकुलता र शुक्रको कृपा प्राप्त गर्न सकिन्छ ।

बृश्चिक राशि
यो राशिको स्वामी मंगल हो अतः कुनै पनि प्रजातीको रातो फुल, पहेलो फुल, एवं गुलावी फुलले पुजा गरेर माताको कृपा प्राप्त गर्न सकिन्छ । रातो कमलले पुजा गरेमा घर परिवारमा समृद्धि त प्राप्त हुन्छ नै मंगलको कृपा पनि प्राप्त हुन्छ ।

धनु राशि
यो राशिको स्वामी वृहस्पति हो । कमलको फुल, कनेर, गुलाव, गेदा, केवडा र कनेरको सबै प्रजातीको फुलले माताको पुजा–अर्चना गर्दे माताको आर्शिवाद एवं बृहस्पतिको पनि शुभता प्राप्त गर्न सकिन्छ ।

मकर राशि
यो राशिको स्वामी शनि हो, अतः कुनै पनि प्रकारको नीलो फुल, कमल, गेंद, गुलाव आदिले माताको पुजा–आरधना गरेर माताको कृपादृष्टि एवं शनिजनित दुष्प्रभावबाछ बच्दै ईष्ट सफलता हासिल गर्न सकिन्छ ।

कुम्भ राशि
यो राशिको स्वामी शनिदेव हो अतः नीलो फुल, गेंदा, सबै प्रकारको कमल, बेली, चमेली, रातरानी आदिले माता भगवतीको आराधना गरेर उनको कृपा र शनिग्रहको दोषबाट मुक्ति प्राप्त गर्न सकिन्छ र मनोकामना पनि पुरा गर्न सकिन्छ ।

मीन राशि
मीन राशिको स्वामी वृहस्पति हो, पहेलो कनेर को सबै प्रजाती, सबै प्रकारको कमल, गुलाव ले पुजा गरेर माताको कृपा प्राप्त गर्दे वृहस्पति जन्य दोषबाट पनि मुक्त हुन सकिन्छ ।