सेतो खबरद्वारा प्रकाशित गरिएको हो |
काठमाडौँ, जेठ २२ । लोक सेवा आयोगले खुलाएको विज्ञापन तत्काल फिर्ता लिन सत्तारुढ दलकै सांसदहरुले सरकारलाई चर्को दवाव दिएका छन् ।
संघीयता, संविधान र कानुन विपरित स्थानीय तहको समेत कर्मचारी नियुक्त हुने गरी लोक सेवा आयोगले खुलाएको विज्ञापन तत्काल फिर्ता नलिए मुलुक गम्भिर द्वन्द्वमा फस्ने चेतावनी सत्तारुढ समाजवादी पार्टी, नेपालका नेता एवम् सांसद रामसहाय प्रसाद यादवले दिएका छन्।
उनले संघीय संसदको राज्य व्यवस्था तथा सुशासन समितिले बुधबार आयोजना गरेको बैठकका बोल्दै स्थानीय तहको आफ्नो अधिकार क्षेत्र भित्र पर्ने विषयमा समेत लोक सेवा आयोगले विज्ञापन गरेपछि त्यसको विरोधमा देशभर आन्दोलन सुरु भएको उल्लेख गर्दै त्यसलाई तत्काल नसच्याए मुलुकमा ठूलो द्वन्द्व निम्तिने चेतवानी सरकारलाई दिएका छन् ।
लोक सेवा आयोगले केही दिन अघि प्रदेश र स्थानीय तहमा समेत कर्मचारी नियुक्त गर्ने गरी विज्ञापन खुलाएकोमा संविधान र कानुन विपरित आएको सांसद यादवलेको भनाइ छ । स्थानीय तह आफैले कर्मचारी नियुक्त गर्न पाउने संवैधानिक अधिकार लोक सेवा आयोगले कटौती गर्न नपाउने पनि उनले स्पष्ट पारेका छन् ।
मुलुकमा थप आर्थिक बोझ हुने गरी लोक सेवा आयोगले कर्मचारीको नियुक्तीका लागि विज्ञापन खुला गरेकोमा सत्तारुढ नेपाल कम्युनिष्ट पार्टी (नेकपा) की सांसद पम्फा भुसालले आपत्ति जननकी छिन्। कर्मचारी कटौति गर्ने र उनीहरुको सेवा प्रवाहको कामलाई प्रभावकारी बनाउन उनले सरकारलाई सचेत गराएकी छिन्।
सांसद भुसालका भनाई अनुसार गरिब जनताले तिरेको ट्याक्सबाट कर्मचारी र जनप्रतिनिधिहरुलाई सेवा, सुविधा थप गर्ने काम गर्नु अपराध सरह भएकाले कर्मचारीहरुको सेवा, सुविधा बढाउने काम सरकारले गर्न नहुने बताएका छन्। कर्मचारीहरुको अभाव भए तत्कालका लागि करारमा राख्ने व्यवस्था गर्न सांसदहरुले सरकारको गम्भिर ध्यानाकर्षण गराएका छन्।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा