सेतो खबर
काठमाडौँ, जेठ २० । अमेरिकी राजदूत र्याण्डी बेरीका कुटनीतिक मर्यादाविपरीतका गतिविधि रोक्न नसकेको भन्दै नेपाल कम्युनिष्ट पार्टी (नेकपा) का नेता भीम रावलले सरकारको कडा आलोचना गरेको छ ।
बजेटमा राष्ट्रिय स्वाभिमानमा जोड दिए पनि व्यवहारमा सरकारले त्यही अनुसार काम गरेर देखाउन नसकेको पनि नेता रावलले स्पष्ट पारे। अमेरिकी राजदूत बेरीले ‘राजदूतसँग गफगाफ’ कार्यक्रम सञ्चालन गर्नु कुटनीतिक मर्यादा विपरीत भए पनि त्यसलाई सरकारले नियन्त्रण गर्न नसकेको बताए ।
सोमबार प्रतिनिधिसभा बैठकमा सरकारको आगामी आर्थिक वर्षको बजेटमाथिको प्रारम्भिक छलफलमा भाग लिँदै उनले भियना अभिसन्धि विपरीत अमेरिकी राजदूत बेरीले त्यस कार्यक्रम सञ्चालन गर्दा पनि किन नियन्त्रण गर्न नसकेको ? भनि सरकारलाई प्रश्न पनि गरेका थिए ।
नेता रावलले सरकारले देश प्रेममा सघाउ पुर्याउने गरी पाठ्यक्रम निर्माण गर्ने व्यवस्था गरे पनि व्यवहारमा त्यस विपरीत कोरियाली विवादास्पद विश्वविद्यालयलाई प्राथमिकता दिएकोमा आपत्ति जनाए ।
केही दिनअघि कोरियाको काङनाङ विद्यालयले त्रिभुवन विश्वविद्यालयसँग पाँच वर्षका लागि शैक्षिक कार्यक्रम आदानप्रदान गर्ने सम्झौता गरेकोमा नेता रावलको आपत्ति जनाए ।
विश्वविद्यालयले प्रधानमन्त्री केपी शर्मा ओलीलाई मानार्थ विद्यावारिधिको उपाधि पनि प्रदान गरेको थियो । बजेटमा उल्लेख गरेका राम्रा कामलाई कार्यान्वयनमा लैजान जोड दिन पनि नेता रावलले सरकारको गम्भिर ध्यानाकर्षण गराएका छन् ।
काठमाडौं । सर्वाेच्च अदालतले नेकपाको बिवादको अन्तिम टुंगो लगाउँदै ऋषि कट्टेललाई आधिकारिकता दिएसँगै सत्तारुढ नेपाल कम्युनिष्ट पार्टी (नेकपा) औपचारिक रुपमा खारेज भएको... विस्तृतमा
