सेतो खबरद्वारा प्रकाशित गरिएको हो |
यज्ञराज उपाध्याय / मंगलसेन, जेठ ४ । अछामको मंगलसेन नगरपालिकाको १ करोड २० लाखको जिपमा जेठ १ बुधबार रातिको समयमा आगजनी गर्ने दुई युवकलाई जिल्ला प्रहरी कार्यालय अछामले सार्वजनिक गरेको छ । नगरपालिकाका मेयर, उपमेयर, प्रमुख प्रशासकीय अधिकृत चढ्ने एक बर्ष अघि मात्र खरिद गरिएको बा २ झ ३६९४ नम्बरको गाडीमा रातिको समयमा आगजनी गरेर फ्ररार अज्ञात समुहको खोजिकार्यमा अछाम प्रहरी सक्रिय रहेको थियो ।
जिल्ला प्रहरी कार्यालय अछामका प्रमुख एवं प्रहरी नायव उपरीक्षक (डिएसपी) जनक बहादुर शाहीले यही नगरपालिकाको वडा नम्बर १ मा बस्ने १८ बर्षिय दिपेन्द्र जैगडी र १९ बर्षिय एकेन्द्र नाथलाई प्रहरीले नगरपालिकाको गाडी जलाएको भन्दै पक्रेर सार्वजनिक गरेको छ । दुवैजना युवकले आफैले आगजनी गरेको स्वीकार समेत गरेको डिएसपी शाहीले बताए ।
बुधबार रातिको समयमा नगरपालिकाको आफै भवन परिसरमा पार्किङ गरेर राखेको गाडीमा राती अचानक आगजनी भएको भएको थियो । दुईजना युवकले आगजनी किन गरेका रहेछन कारण भने खुल्न बाकी रहेको र थप अनुसन्धान कार्य भैरहेको शाहीले बताए ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा