सेतो खबर
जनकपुर, बैशाख २६ । बिहीबारदेखि जनकपुरको जानकी मन्दिर परिसरमा जानकी नवमी महामहोत्सव २०७६ सुरु भएको छ । उक्त महोत्सवका अवसरमा १५ दिन सम्म विविध कार्यक्रम गरी मनाइने छ ।
सो महोत्सवको पहिलो दिन राम कथा प्रवचन, नवाह रामायण पाठ र बेलुका बधाई मंगलगानको कार्यक्रम रहेको छ । जन्ममोत्सवको विशेष कार्यक्रम बैशाख ३० गतेदेखि सुरु हुने उत्तराधिकारी महन्त रामरोशन दासले जानकारी दिए।
महोत्सवमा वैष्णव राम कथाको लागि वृन्दावन उत्तर प्रदेश भारतका वालव्यास सन्त हरिशरण उपाध्यायलाई निम्त्याएको छ। प्रवचनका लागि मन्दिर बाहिर प्राङगणमा भव्य पंडाल लगाइएको छ । मन्दिरको सजावट तथा मन्दिर श्रृंगारको काम पनि धमाधम भइरहेको छ ।
यसपटक जानकी नवमीमा शोभायात्रा, दुधमती साही स्नान, रामायण मेला, राम र सीतालाई केन्द्रित गरी कवि गोष्ठी, रामायणमा आधारीत प्रश्नोत्तर प्रतियोगिता, मिथिला चित्रकला सम्बन्धी प्रदर्शनी, प्रादेशिक भाषाको सांस्कृतिक कार्यक्रम सहितका कार्यक्रमहरु गर्ने आयोजकले बताएको छ।
जन्ममोत्सवको विशेष कार्यक्रम बैशाख ३० गते रामनवमीको दिन राष्ट्रपति विद्यादेवी भण्डारी समेत सहभागी हुने महन्त दासले जानकारी दिए । त्यस्तै चताराधामका जगगुरु कृष्णदास महाराज, अयोध्याका मैथिली शरण दास, काशी बनारसका महन्थ राजकुमार दास लगायतका एक दर्जन भन्दा बढि महात्मा पनि आउने भएको जानकारी दिए। -रासस
काठमाडौं । नेपाल सरकार र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीबीच तीन बुँदे सहमतिमा हस्ताक्षर भएको छ । काठमाडौंमा शुक्रबार प्रधानमन्त्री केपी... विस्तृतमा
