सेतो खबर
काठमाडौँ, बैशाख २० । सभामुख कृष्णबहादुर महराले पूर्वसांसद तथा थबाङका अग्रज कम्युनिष्ट नेता बर्मन बुढालाई भेटी स्वास्थ्य लाभको कामना गरेका छन् ।
आज बिहान पाटन अस्पतालमा पुगी सभामुख महराले उनलाई सान्त्वना दिनुका साथै स्वास्थ्य लाभको कामना गरेका हुन् । पूर्वसांसद बुढालाई पेटमा समस्या देखिएपछि बिहीबार अस्पतालमा भर्ना गरिएको थियो ।
अहिले प्रारम्भिक उपचार भइरहेको उनको छोरी विजयज्योतिले बताइन् । सो क्रममा सभामुख महराले पाटन स्वास्थ्य विज्ञान प्रतिष्ठानका उपकुलपति भरतकुमार यादव र चिकित्सकको टोलीलाई बुढाको उपचारमा कुनै कमी हुन नदिन आग्रह गरेका थिए । उनी वि.सं २०४८ मा जनमोर्चा नेपालकोतर्फबाट रोल्पा क्षेत्र नं १ बाट विजयी भएका थिए । -रासस
काठमाण्डौँ । पशुपति क्षेत्र विकास कोषका कोषाध्यक्ष एवं श्रीपशुपतिनाथको सुनको जलहरी निर्माण व्यवस्थापन समितिका संयोजक डा. मिलनकुमार थापाले सुनको जलहरी राख्नु नहुने... विस्तृतमा
