सेतो खबरद्वारा प्रकाशित गरिएको हो |
काठमाडौं, १४ बैशाख । गैरआवासीय नेपाली संघ (एनआरएनए) का अध्यक्ष भबन भट्टले प्यासिफिक हस्पिटालिटी एण्ड कुलिनरी एकेडेमी तथा कृषि मेलाको उद्घाटन गरेका छन् ।
एनआरएनएमा आबद्ध रहेका अस्ट्रेलियाका पूर्व अध्यक्ष गणेश केसीले सुरु गरेको प्यासिफिक हस्पिटालिटी एण्ड कुलिनरी एकेडेमी तथा जैविक (अर्गानिक) खेती र कृषकलाई प्रोत्साहन गर्ने कृषि मेलाको भट्टले समुद्घाटन तथा अवलोकन गरेका हुन् ।
उक्त मेलाको उद्घाटन गर्दै अध्यक्ष भट्टले राम्रो कामको थालनी भएको भन्दै केसीलगायतको सम्पूर्ण टीमलाई बधाई तथा शुभकामना दिए । भट्टका अनुसार, जैविक खानाले मानवीय स्वास्थ्यलाई धेरै फाईदा पुर्याउने बताउँदै नेपाल कृषि प्रधान देश भए पनि कृषिलाई अहिलेसम्म त्यति महत्व नदिएकोमा दुःखेसो पोखे ।एनआरएनएले कृषिको क्षेत्रलाई महत्वका साथ प्रवर्धन गर्नका लागि समिति नै बनाएर अगाडि बढेको जानकारी समेत गराए ।
एनआरएनए कृषि प्रवर्धन समितिका संयोजक युवराज गुरुङ्गले देश विकासको लागि कृषिको विकल्प नभएको बताउँदै कृषिको क्षेत्रमा केहि गर्नकै लागी आफुहरु लागिपरेको बताए । गुरुङले प्यासिफिक हस्पिटालिटीले जैविक खेति र कृषकलाई प्राथमिकता दिदै सञ्चालन गरेको जैविक कृषि मेलाको सफलताको कामना गरेको बताए ।
उक्त कार्यक्रममा प्यासिफिक हस्पिटालिटीका संचालक एवं एनआरएनए अस्ट्रेलियाका पूर्व अध्यक्ष गणेश केसीले कृषकको हकहित र आफ्ना कलेजका बिधार्थीहरूलाई पनि जैविक खानाका बारेमा जानकारी होस् भन्ने उद्देश्ले जैविक कृषि मेलाको आयोजना गरिएको बताए । उक्त मेलामा विभिन्न देशबाट आएका एनआरएनएका पदाधिकारीहरु, कृषि विज्ञहरू, कलाकारहरू र स्थानीयहरूको उल्लेख्य उपस्थिती रहेको थियो ।
मेलामा उपस्थित एनआरएनए मलेसियाका अध्यक्ष खगेन्द्र न्यौपाने एबं एनआरएनए आइसिसि सदस्य मनोज गोर्खालीले देश विकासको आधार भनेकै कृषि भएकाले सबैले कृषिलाई प्राथमिकता दिनुपर्ने बताउँदै जैविक कृषि मेलाको सफलताको शुभकामना दिएका थिए ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा