सेतो खबर
काठमाडौं । कुमारी बैंक लिमिटेडले विविध कार्यक्रम आयोजना गरी आफ्नो २४ औं वार्षिकोत्सव भव्य रूपमा सम्पन्न गरेको छ। वार्षिकोत्सवको अवसरमा बैंकले आफ्ना सम्पूर्ण ग्राहक, साझेदार तथा शुभचिन्तकहरूलाई कृतज्ञता व्यक्त गर्दै आगामी दिनमा अझ उत्कृष्ट बैंकिङ सेवा प्रदान गर्ने प्रतिबद्धता व्यक्त गरेको छ।
बैंकले आफ्नो वार्षिकोत्सव अवसरमा कर्मचारीहरूलाई “परम्परागत भेषभूषा” अपनाउन प्रोत्साहित गरेको थियो, जसले सांस्कृतिक विविधताको सम्मान र प्रवर्द्धनमा टेवा पु¥याएको छ। यस अवसरमा कर्मचारीहरू आ–आफ्नो जातीय एवं सांस्कृतिक पहिचान झल्काउने पोशाकमा सजिएर उपस्थित भएका थिए। बैंकले यस कार्यक्रममार्फत “विविधतामा एकता” को भावना जागृत गर्न तथा संस्थागत संस्कृति सबल बनाउन योगदान पुर्याएको बताएको छ।
यसै अवसरमा, बैंकले विभिन्न स्थानहरूमा रक्तदान कार्यक्रमको आयोजना गरेको छ। यस कार्यक्रमले स्थानीय स्तरमा रक्त आपूर्ति व्यवस्थापनलाई सघाउनुका साथै जीवन बचाउने अभियानमा महत्वपूर्ण योगदान पुर्याउने विश्वास लिइएको छ।
२४ वर्षदेखि निरन्तर बैंकिङ सेवा प्रदान गरिरहेको कुमारी बैंकले हाल देशभर ३०२ शाखा, ३१६ एटीएम, ५० एक्सटेन्सन काउन्टर र ५४ शाखारहित बैंकिङ इकाइमार्फत ग्राहकलाई सेवा प्रदान गरिरहेको छ। बैंकले आगामी दिनहरूमा अझ सरल, सुलभ तथा प्रभावकारी बैंकिङ सेवा विस्तार गर्ने लक्ष्य लिएको छ।
बैंकले डिजिटल बैंकिङ सेवामा समेत अग्रणी भई प्रविधिमैत्री बैंकिङ सुविधा थप गर्दै जाने योजना अघि सारेको छ। ग्राहकको आवश्यकतालाई मध्यनजर गर्दै नविनतम सेवा तथा सुविधाहरू उपलब्ध गराउने प्रतिबद्धता बैंकले व्यक्त गरेको छ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
