सेतो खबर
काठमाडौँ । राष्ट्रिय स्वतन्त्र पार्टीकी केन्द्रीय सदस्य ज्वाला संग्रौलाले काठमाडौं महानगरपालिकासँग जोडिएको विवादमा मेयर बालेन शाहको पक्षमा समर्थन जनाउँदै सरकारमाथि गम्भीर आरोप लगाएकी छन्। उनले सामाजिक सञ्जालमार्फत आफ्नो धारणा राख्दै सरकार मेयर शाहलाई कमजोर बनाउन लागेको बताएकी छन्।
संग्रौलाले पार्टी सभापति रवि लामिछानेपछि सरकार मेयर शाहलाई निशाना बनाउन खोजिरहेको दाबी गरेकी छन्। उनले भनिन्, “यो भ्रष्ट सरकार रवि लामिछानेपछि अब बालेन शाहलाई कमजोर बनाउन लागिपरेको छ।”
उनले रवि लामिछानेलाई सरकारले अनावश्यक रूपमा दुःख दिँदा मेयर शाहले कुनै प्रतिक्रिया नजनाएको उल्लेख गर्दै अब भने लामिछाने बालेनका लागि बोल्ने दाबी गरिन्। “रविलाई यो सरकारले बिनाकारण यत्रो दुःख दिँदा बालेनले एक शब्द पनि बोलेनन्, तर रवि तिम्रो लागि बोल्ने छन्। तिमीलाई अप्ठेरो पर्दा बोल्ने छन्,” उनले लेखिन्।
संग्रौलाको यो अभिव्यक्तिले सामाजिक तथा राजनीतिक वृत्तमा चर्चा पाएको छ। कतिपयले यसलाई मेयर शाहप्रति समर्थनको रूपमा व्याख्या गरेका छन् भने कतिपयले यसलाई सत्ता र प्रतिपक्षबीचको राजनीतिक खिचातानीको निरन्तरता मानिरहेका छन्।
यस विषयमा काठमाडौं महानगरपालिका तथा सरकारी पक्षबाट कुनै आधिकारिक प्रतिक्रिया आएको छैन। तर, पछिल्लो समय बालेन शाह र केन्द्र सरकारबीच विभिन्न विषयमा मतभेद देखिँदै आएको छ।
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने सरकारको निर्णयको सत्तारूढ नेपाली कांग्रेसकै नेताहरूले विरोध गरेका छन्।... विस्तृतमा
