सेतो खबरद्वारा प्रकाशित गरिएको हो |
काठमाडौं । महालक्ष्मी विकास बैंकले फागुन १५ र १६ गते बैंकको वार्षिक कार्यक्रम तथा दुईदिने कार्यशाला अन्तर्गत “दिगो बैंकिङ, संस्कृति तथा सम्पदा संरक्षण” नारालाई आत्मसात गर्दै बूढानीलकण्ठ नगरपालिका वडा नं १ तथा बूढानीलकण्ठ मन्दिर क्षेत्रमा वातावरणीय तथा सांस्कृतिक सम्पदा संरक्षण वाकाथन को सफल आयोजना गरेको छ। यस कार्यक्रममार्फत बैंकले दिगो बैंकिङप्रति आफ्नो प्रतिबद्धता व्यक्त गरेको छ।
बैंकका उच्च अधिकारी, कर्मचारी तथा सरोकारवालाहरूको सक्रिय सहभागितामा सम्पन्न यस वाकाथनले वातावरणीय उत्तरदायित्व र सांस्कृतिक सम्पदाको सुरक्षा जस्ता महत्त्वपूर्ण विषयहरूलाई प्राथमिकतामा राख्दै विशेष र्याली आयोजना गरिएको हो।
बैंकिङ क्षेत्रले दिगो वित्तीय अभ्यासहरू अपनाउनुपर्छ भन्ने सन्देश प्रवाह गर्न वाकाथनका सहभागीहरू ऐतिहासिक तथा पर्यावरणीय दृष्टिले संवेदनशील मार्गहरू हुँदै अघि बढेका थिए। यस अवसरमा हरित बैंकिङ र दिगो वित्तीय रणनीति को आवश्यकतामाथि विशेष जोड दिइएको थियो।
महालक्ष्मी विकास बैंकले हाल १०३ शाखा सञ्चालन गर्दै ८ लाख ग्राहकहरूलाई विश्वसनीय सेवा प्रदान गरिरहेको छ।
काठमाडौँ । निरञ्जनी अखाडाले एक लाख नागा सन्यासी बनाएको दाबी गरेको छ । आखाडाका आचार्य महामंडलेश्वर स्वामी कैलाशानन्द गिरीले हरिद्वार कुम्भ २०२१ मा २२ देखि २७ वैशाखसम्म... विस्तृतमा