सेतो खबर
काठमाडौँ, ९ माघ । सार्वजनिक लेखा समितिले हालै अस्वाभाविक रूपमा बढेको सिमेन्टको मूल्य नियन्त्रण गर्न सरकारलाई तत्काल कदम चाल्न निर्देशन दिएको छ।
आज बसेको प्रतिनिधिसभा अन्तर्गतको सार्वजनिक लेखा समिति बैठकले उद्योग, वाणिज्य तथा आपूर्ति मन्त्रालयलाई सात दिनभित्र सिमेन्टको मूल्यवृद्धिको विषयमा अध्ययन गरी प्रतिवेदन पेस गर्न भनेको छ।
समिति सभापति ऋषिकेश पोखरेलले सिमेन्टको मूल्यमा भएको अत्यधिक वृद्धिले सर्वसाधारणलाई प्रभाव पारेको भन्दै यसको नियन्त्रणका लागि तुरुन्तै कदम चाल्न जरुरी रहेको बताए। “समितिले सिमेन्टको मूल्यवृद्धिको अवस्थाबारे गम्भीर छलफल गरी नियन्त्रणका लागि सरकारलाई स्पष्ट निर्देशन दिएको छ,” सभापति पोखरेलले भने।
मूल्यवृद्धिका कारण बजारमा उत्पन्न भएको असन्तुलनलाई सरकारले समयमै समाधान नगरे उपभोक्ताको दैनिकीमा थप समस्या सिर्जना हुनसक्ने समितिको ठहर छ।
उद्योग, वाणिज्य तथा आपूर्ति मन्त्रालयले समितिको निर्देशनअनुसार चाँडो निर्णय गरी बजारमा सहजता ल्याउनुपर्ने माग गरिएको छ।
काठमाडौं । देशमा जहानियाँ राणा शासनका बेला उच्च शिक्षा अध्ययन गर्ने केन्द्रका रुपमा स्थापना भएको त्रिचन्द्र बहुमुखी क्याम्पसको पृथक महत्व छ । राजा त्रिभुवनले उद्घाटन... विस्तृतमा
