सेतो खबर
काठमाडौँ, २८ पौष । राष्ट्रिय स्वतन्त्र पार्टीका सभापति रवि लामिछानेलाई जिल्ला अदालत काठमाडौंले हिरासतमा पठाउने आदेश दिएको छ। जिल्ला न्यायाधीश माधवप्रसाद अधिकारीको इजलासले उनलाई प्रहरीले नियन्त्रणमा राख्न निर्देशन दिएको हो।
लामिछानेमाथि सुर्यदर्शन सहकारी प्रकरणमा आर्थिक अनियमितताको आरोप छ। यसअघि, कास्की जिल्ला अदालतले यो मुद्दामा उनलाई ६५ लाख रुपैयाँ धरौटीमा रिहा गर्ने आदेश दिएको थियो।
प्रहरीको अनुसन्धानले स्वर्णलक्ष्मी सहकारीबाट गोर्खा मिडिया नेटवर्कमा कानूनी प्रक्रिया विपरीत ५ करोड ७८ लाख ९८ हजार ४८० रुपैयाँ स्थानान्तरण भएको तथ्य बाहिर ल्याएको छ। सरकारी वकिल कार्यालयले यही आधारमा लामिछानेविरुद्ध बिगो दाबी गर्दै मुद्दा दायर गरेको छ।
रवि लामिछाने आइतबार अदालतमा स्वेच्छाले उपस्थित भएका थिए। उपस्थितिपछि न्यायाधीश अधिकारीको इजलासमा उनको बयान भएको थियो। बयानपछि अदालतले उनलाई हिरासतमा पठाउने आदेश दिएको हो।
गत बिहीबार कास्की जिल्ला अदालतका न्यायाधीश नीतिजकुमार राईको इजलासले लामिछानेसहित सातजनालाई धरौटीमा रिहा गर्न आदेश दिएको थियो। तर, नयाँ अनुसन्धान र प्रमाणका आधारमा काठमाडौं जिल्ला अदालतले थप कारबाही अगाडि बढाएको हो।
काठमाडौं । देशमा जहानियाँ राणा शासनका बेला उच्च शिक्षा अध्ययन गर्ने केन्द्रका रुपमा स्थापना भएको त्रिचन्द्र बहुमुखी क्याम्पसको पृथक महत्व छ । राजा त्रिभुवनले उद्घाटन... विस्तृतमा
