सेतो खबर
काठमाडौँ, २३ पौष । पृथ्वी जयन्ती तथा राष्ट्रिय एकता दिवस-२०८१ को अवसरमा उदयपुर जिल्लामा ऐतिहासिक “उदयपुरगढी-चौदण्डीगढी पदयात्रा” सुरु गरिएको छ। पशुपति प्रसाद गण र स्थानीय पालिकाहरूको संयुक्त आयोजनामा भएको यो पदयात्रा उदयपुरगढीबाट सुरु भएको हो।
कार्यक्रमको उद्घाटनमा प्रमुख अतिथिहरूले राष्ट्रिय एकता, इतिहास, र पर्यटन प्रवर्द्धनका लागि यस्ता गतिविधिहरूको महत्त्वबारे प्रकाश पारे। पदयात्रामा स्थानीय नागरिक, इतिहासप्रेमी, र पर्यटकहरूको उत्साहजनक सहभागिता रहेको छ।
पदयात्राले उदयपुरगढी र चौदण्डीगढी जस्ता ऐतिहासिक स्थानहरूको महत्त्व उजागर गर्दै नेपालको ऐतिहासिक धरोहरको प्रवर्द्धन गर्न मद्दत गर्ने विश्वास गरिएको छ। यो यात्रा नेपालको विविधता, एकता, र सांस्कृतिक धरोहरको संरक्षणका लागि प्रेरणादायक बन्ने अपेक्षा गरिएको छ।
कार्यक्रमका आयोजकहरूले भविष्यमा यस्ता गतिविधिहरूलाई थप प्रभावकारी बनाउने योजना रहेको बताएका छन्।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
