पाकिस्तानमा शिया र सुन्नी मुस्लिमबीच दंगा, अहिलेसम्म ६८ जनाको मृत्यु सयौं पसल र घर जले

रोयटर्स, पाकिस्तान। पाकिस्तानको कुर्रम जिल्ला हिंसाको आगोले त्रसित छ । यहाँ सुन्नी र सिया मुस्लिमबीच दंगा भड्किएको छ । अहिलेसम्म ६८ जनाको ज्यान गएको छ । तीन दिनअघि गत नोभेम्बर २१ मा एउटा गाडीमाथि आक्रमण भएको थियो । यस आक्रमणमा करिब ४० जनाको ज्यान गएको थियो ।

मृत्यु हुनेमा अधिकांश शिया मुस्लिम थिए । त्यसयता हिंसाको चक्र जारी छ । कुर्रम जिल्ला खैबर पख्तुनख्वा प्रान्तमा पर्छ। काफिले आक्रमणको जवाफमा, शिया समुदायले सुन्नी घरहरूलाई निशाना बनाए। जवाफी हमलामा कुल २८ जनाको ज्यान गएको छ ।

हिंसा रोक्न सरकार लागिपरेको छ
आइतबार पाकिस्तानी अधिकारीहरूले आदिवासी नेताहरूलाई भेटेका थिए। कुनै न कुनै रूपमा द्वन्द्व रोक्नमा अधिकारीको जोड छ । काफिलामा हमलापछि कुर्रममा सुन्नी मुस्लिमहरू विरुद्ध हिंसा भड्कियो। दुवै पक्षका हतियारधारीहरूबीच भीषण झडप जारी छ ।

खैबर पख्तुनख्वाका सूचना मन्त्री मुहम्मद अली सैफले दुवै पक्षका नेताहरूलाई भेट्न सरकारी प्रतिनिधिमण्डल कुर्रम पुगेको बताए। प्रतिनिधिमण्डलले शिया र सुन्नी नेताहरुलाई भेटेको थियो । हिंसा रोक्ने प्रयास भइरहेको छ । सरोकारवालासँगको वार्तामा सकारात्मक प्रगति भएको छ ।

बजार र विद्यालय बन्द
कुर्रममा शिया र सुन्नी मुस्लिमहरूले एकअर्काको घरमा आक्रमण गरिरहेका छन्। बजार र विद्यालय बन्द भएका छन् । हिंसाका क्रममा धेरै पेट्रोल पम्पमा आगजनी गरिएको छ । इन्टरनेट सेवा पनि ठप्प छ । यसैबीच सरकारी प्रतिनिधिमण्डल चढेको हेलिकप्टरमा पनि गोली प्रहार भएको छ । राहतको कुरा यो थियो कि उनी सकुशल अवतरण गर्न सफल भए ।

कुर्रममा हिंसाको इतिहास पुरानो छ
कुर्रममा शिया र सुन्नी मुस्लिमहरू बीचको द्वन्द्वको दशकौं लामो इतिहास छ। पाकिस्तानको कुल २४ करोड जनसंख्यामध्ये १५ प्रतिशत शिया मुस्लिम छन्। भदौ महिनामा पनि दुई समुदायबीच हिंसा भड्किएको थियो । यस अवधिमा ४६ जनाको मृत्यु भएको छ । २०० जना घाइते भएका छन्। २०२३ मा पनि हिंसामा २० जनाले ज्यान गुमाएका थिए ।

तीन सयभन्दा बढी पसल जलेर नष्ट
कुर्रमको बागान र बाचाकोट हिंसाबाट सबैभन्दा बढी प्रभावित भएका छन् । यहाँ आन्दोलनकारीले घर, पसल र सरकारी सम्पत्तिमा आगजनी गरेका छन् । रिपोर्टका अनुसार तीन सयभन्दा बढी पसल र सय घरमा आगजनी भएको छ । गत केही महिनामा कुर्रममा भएको हिंसामा करिब १५० जनाको ज्यान गएको छ ।

किन भड्कियो हिंसा ?
अहिलेको हिंसाको कारण जग्गा विवाद हो । शिया बाहुल्य जनजाति मालेखेल र सुन्नी बहुल माडगी कालेबीच द्वन्द्व जारी छ । पाराचिनारबाट १५ किलोमिटर दक्षिणमा रहेको बोसेहरा गाउँमा रहेको जमिनको टुक्रालाई लिएर दंगा भड्किएको थियो ।

जानकारी अनुसार यो खेतीयोग्य जमिन हो । यो शिया जनजातिको स्वामित्वमा छ। तर यो सुन्नी जनजातिलाई खेतीका लागि भाडामा दिइएको थियो। लिजको म्याद यसै वर्ष साउनमा सकिएको थियो। तर सुन्नी मुस्लिमहरूले भूमि फिर्ता गर्न अस्वीकार गरे। यही मुद्दालाई लिएर पाकिस्तानको कुर्रम जिल्ला जलिरहेको छ ।