सुगम पोखरेलको नयाँ गिती संग्रह ‘नवमी’ सार्बजनिक

काठमाडौँ, ५ कार्तिक । महान चाड दशैँ को नवमी को दिन पारेर गायक सुगम पोखरेलले नयाँ गिती संग्रह “नवमी” सार्बजनिक गरेका छन् । गिती संग्रह “नवमी” सुगम को ९ औँ संग्रह हो।

संग्रह “नवमी” मा ९ वटा गीत हरु समाबेश गरिएको छ। क्यासेटको जस्तै स्वरुप दिएर निकालिएको उक्तलाई संग्रह पेन ड्राइवको मार्फत सुन्न सकिन्छ। गीत संगीत इन्टरनेट बाट सुन्न सकिने भएपनि आफुले नया केहि प्रयास स्वरुप पुरानो क्यासेट को स्वरुपमा निकालिएको सुगम बताउछन।

” झट्ट हेर्दा क्यासेट जस्तो देखिएपनि पेन ड्राइव मार्फत सुन्न सकिन्छ ” सुगम भन्छन। साथै उनले गिती संग्रह “नवमी” मा रहेको ” सबै को हुन खोजेर ” बोलको गीतको म्युजिक भिडियो सार्बजनिक पनि गरेका छन् । उक्त गीत मा शब्द सङ्गीत सुगम स्वयं को रहेको छ भने संगीत संयोजन शिवम रसाइलीले गरेका छन्।

आफ्नो फरक प्रस्तुति सहित भिडियोमा प्रस्तुत भएका सुगमलाई कलाकारहरु सुनिता शेरचन, ममता प्रसाई र जेबिशा दाहालले साथ् दिएका छन्। गीतको म्युजिक भिडियो लाई अल्टिमेट सिजापति ब्यानर ले बनेको हो।गीतको म्युजिक भिडियो उनको आफ्नै यु टुब मार्फत हेर्न सकिन्छ। आफ्ना अन्य गीत जस्तै यो गीतलाई पनि सबै दर्शक श्रोताहरु ले मन पराउनु हुन्छ भन्ने आशा सुगमले गरेका छन्।