हालसम्मकै उच्च विन्दुमा पुग्यो सुनको मुल्य

काठमाडौँ, ५ भाद्र । साताको चौथो कारोबार दिन सुनको भाउ बढेको छ । उक्त दिन सुन प्रतितोला ९०० रुपैंयाले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ५३ हजार रुपैयाँ कायम भएको छ । यो मूल्य हालसम्मकै उच्च हो । यसअघि गत भदौ २ गते सुनको मूल्य हालसम्मकै उच्च कायम भएको थियो । त्यसदिन सुनको मूल्य ३ हजार रुपैयाँले बढ्दै प्रतितोला १ लाख ५२ हजार ६ सय रुपैयाँ कायम भएको थियो ।

अघिल्लो कारोबार दिन मंगलबार छापावाल सुन प्रतितोला १ लाख ५२ हजार २०० रुपैयाँमा कारोबार भएको थियो । त्यसैगरी आज चाँदीको भाउ प्रतितोला १५ रुपैंयाले बढेर १ हजार ८३५ रुपैयाँमा कारोबार भइरहेको महासंघले जनाएको छ ।