सेतो खबर
काठमाडौं, १६ असोज । कञ्चनपुरको पुनर्बास नगरपालिका–३ कि लक्ष्मी घर्तीको हत्या आरोपमा प्रहरीले चार जनालाई पक्राउ गरेको छ । जिल्ला प्रहरी कार्यालयका प्रहरी निरीक्षक पुष्करराज पन्तका अनुसार भाद्र ३० मा घर्तीको शव स्थानीय आईबीआरडी बजारदेखि ‘घ’ गाउँतर्फ जाने सडकमा भेटिएको थियो ।
घर्तीको हत्या आरोपमा पक्राउ पर्नेमा कञ्चनपुरकै बेलौरी नगरपालिका–१ का २७ वर्षीय सरोज राना, १९ वर्षीय राहुल राना, लालझाडी गाउपालिका–१ नौरङ्गाका ३३ वर्षीय सेनराज राना, ३३ वर्षीय परशु राना रहेको प्रहरी निरीक्षक पन्तले बताए । एक जना आरोपित लालझाडीका ३० वर्षीय राजकुमार राना भने फरार रहेको र खोजी भइरहेको प्रहरीको भनाइ छ ।
भाद्र २९ को साँझ मामाघर जान्छु भनेर घरबाट निस्किएकी घर्तीको भोलिपल्ट शव भेटिएको थियो ।
प्रहरी निरीक्षक पन्तका अनुसार पक्राउ परेका आरोपित युवाहरुले घर्तीलाई मोटरसाइकलमा राखेर लालझाडी गाउँपालिका–१ को जंगलमा हात्ती हेर्न लगेको अनुसन्धानबाट खुलेको छ ।
त्यस क्रममा हात्ती हेर्न टहरामा चढेका बेला घर्ती खसेर गम्भीर घाइते भएको पाइएको प्रहरीको भनाइ छ । घर्तीलाई बेहोस अवस्थामा मोटरसाइकलमा राखेर मृतकको माइती घर नजिकै सडक किनारमा फालेर उनीहरु भागेको खुलेको प्रहरी निरीक्षक पन्तले बताए । पक्राउ परेकाहरुलाई ५ दिन हिरासतमा राखेर अनुसन्धान गर्न जिल्ला अदालतबाट अनुमति लिइसकेको प्रहरीले जानकारी दिएको छ ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
