सेतो खबर
काठमाडौँ, ३ जेठ । जापानमा हिजो राती भएको बस दुर्घटनामा परी दुई जना नेपाली विद्यार्थीको मृत्यु भएको छ। जापानको मियागी प्रान्तको कुरिहारा शहरको तोहोकु एक्सप्रेस वेमा रोकिरहेको बसलाई ट्रकले ठक्कर दिंदा दुई नेपालसहित तीन जनाको निधन भएको हो।
मृत्यु हुनेमा २२ बर्षका नवराज तामाङ र २७ बर्षका युवराज थापा रहेका छन् । तामाङको घर काभ्रे जिल्ला र थापाको स्थाई घर ओखलढुंगा भएपनि हाल काठमाडौंमा बसोबास गर्दै आएको बुझिएको छ ।
मृत्यु भएका अर्का व्यक्ति बसका महिला चालक हुन् । उनि जापानी नागरिक रहेको पाइएको छ।
काममा जाने क्रममा रहेका नेपाली विद्यार्थीहरु सवार बसको इन्जिनमा खराबी आएपछि चेकजाँचका लागि रोकिएको अवस्थामा बसलाई ट्रकले ठक्कर दिंदा उक्त दुर्घटना भएको हो । बसमा ४० जना नेपाली विद्यार्थी र बंगलादेशी समेत सवार थिए ।
बसलाई ठक्कर दिने ट्रकका चालक भने गम्भिर घाइते रहेको र अवस्था गम्भिर रहेको जापानी समाचार संस्थाहरुले उल्लेख गरेको छन् ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
