सेतो खबर
काठमाडौँ, ८ जेठ । धनगढी उपमहानगरको मेयरमा राजनितिक दलका उमेदवारलाई भारी मतान्तरले पराजित गर्दै स्वतन्त्र उमेदवार गोपाल हमाल विजयी भएका छन् । त्यस्र्तै, उपमेयरमा भने एमालेकी कन्दकला राना निर्वाचित भएकी छन् ।
हमालले गठबन्धनका साझा उमेदवार कांग्रेसका नृपबहादुर वडलाई १२०४८ को फराकिलो मतान्तरले पराजित गरेका हुन् ।
हमालले २६८६५ मत प्राप्त गरेका छन् भने वडले १४८१७ मत पाए । त्यस्तै, तेस्रो स्थानमा आएका नेकपा एमालेबाट मेयरका उम्मेदवार रणबहादुर चन्दले ९११५ मत ल्ःयाए।
जितसँगै हमालले ०७४ सालको हारको बदलात वडसँग लिएका छन् । त्योबेला वडले हमाललाई २ हजार ७ सयको मतान्तरले पराजित गर्दैै मेयरमा चुनिएका थिए ।
त्यस्तै, उपमेयरमा भने एमालेकी कन्दकला राना १५४७९ मतसहित निर्वाचित भइन् । गठबन्धको तर्फबाट माओवादी उम्मेदवार शान्ति अधिकारीले १२६७० मत ल्याइन। स्वतन्त्र उम्मेदवार प्रभाकर भण्डारीले ६६०९ मत प्राप्त गरीन् ।
काठमाडौं । काठमाडौं उपत्यकालगायत देशका विभिन्न शहरहरु पछिल्लो समय वायु प्रदूषणको जोखिममा परेका छन् । जसका कारण मानव स्वास्थ्यमा गम्भीर समस्याहरु देखिरहेका छन् । साथै... विस्तृतमा
