सेतो खबरद्वारा प्रकाशित गरिएको हो |
काठमाडौँ, जेठ १४ । सञ्चार तथा सूचना प्रविधि राज्यमन्त्री गोकुलप्रसाद बाँस्कोटाले सामुदायिक रेडियोसम्बन्धी नीति चाँडो ल्याइने बताएका छन् । त्रिभुवन विश्वविद्यालय केन्द्रीय आमसञ्चार तथा पत्रकारिता विभाग र सामुदायिक रेडियो प्रसारण संघले आज यहाँ आयोजना गरेको अन्तरक्रियामा राज्यमन्त्री बाँस्कोटाले १८ वर्षदेखि देशमा सञ्चालित सामुदायिक रेडियोको अनुभवबाट सिकेर समुदाय र सिंगो राष्ट्रको विकासका लागि व्यावहारिक र आवश्यकताको आधारमा उक्त नीति यथाशीघ्र ल्याइने बताए ।
समाजलाई सूचना तथा समाचार प्रवाहको उद्देश्य व्यावसायिक र सामुदायिक रेडियोका बीच फरक रहेका कारण उनीहरुलाई सरकारले उपलब्ध गराउने सहुलियत तथा सुविधा फरक हुने उनको भनाइ थियो । राज्यमन्त्री बाँस्कोटाले विभिन्न कलाकारको सिर्जनालाई रेडियोले प्रसारण गरी आम्दानी गर्ने हुँदा त्यसको अभिलेख राखेर रोयल्टी वितरण पारदर्शी बनाउनुपर्ने बताए । प्रदेशसभा सदस्य कृष्ण राईले सामुदायिक रेडियोको संरक्षणका लागि स्थानीय तहले भूमिका निर्वाह गर्नुपर्नेमा जोड दिए ।
त्रिभुवन विश्वविद्यालयका उपकुलपति डा तीर्थ खनियाँले मुलुकमा पत्रकारिता क्षेत्रको विकासका लागि उक्त विषयको पठनपाठनको व्यवस्था थप गर्दै लैजाने प्रतिबद्धता व्यक्त गरे । केन्द्रीय आमसञ्चार तथा पत्रकारिता विभागका प्रमुख चिरञ्जीवी खनालले सामुदायिक रेडियोले सम्बन्धित क्षेत्र तथा समुदायको समस्यालाई सम्बोधन गर्न नसकेकामा चिन्ता व्यक्त गरे ।
सामुदायिक रेडियो प्रसारण संघका अध्यक्ष सुवास खतिवडा, रेडियोकर्मी घमराज लुइँटेल, उपेन्द्र अर्याललगायतले रेडियोले स्थानीय मौलिकतालाई प्राथमिकता दिएर सन्देश प्रसारण गर्नुपर्ने विचार व्यक्त गरे । रासस
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा