सेतो खबरद्वारा प्रकाशित गरिएको हो |
काठमाडौँ, जेठ ३ । २७ स्थानीय निकायहरुमा एन आई सी एशिया बैंकले शाखा कार्यालयहरु सञ्चालन गरेको छ । राज्यको पुर्नसंरचनासँगै सम्पूर्ण स्थानीय निकायहरुमा वाणिज्य बैंकको शाखा सञ्जालमार्फत उपस्थिति सुनिश्चित गर्ने नेपाल सरकारको नीति बमोजिम नेपाल राष्ट्र बैंकसँग यस बैंकले प्रतिबद्धता जनाएको ३४ वटा स्थानीय निकायहरुमध्ये २७ स्थानीय निकायहरुमा शाखा कार्यालयहरु संचालनमा ल्याईसकेको छ ।
दुर्गम तथा ग्रामीण क्षेत्रहरुमा समेत आफ्नो पहुँच अभिबृद्धि गर्दै सम्पूर्ण तह तप्काका सर्वसाधारणको बैंकको रुपमा आफ्नो पहिचान बनाईरहेको सो बैंकले समस्त ग्राहकहरुलाई उच्चस्तरीय सेवा दिंदै आईरहेको दावी गरेको छ ।
बैंकको हालसम्म २१० वटा शाखा कार्यालय, २०३ एटिएम, ६ वटा एक्स्टेन्सन काउण्टर, ६ वटा शाखारहित बैंकिङ्ग एवं ५५०० भन्दा बढि रेमिटेन्स पे आउट एजेन्ट सहित मुलुककै सबैभन्दा ठूलो शाखा सञ्जाल भएको बैंकको रुपमा स्थापित भैसकेको छ ।
शाखा सञ्जाल, पुँजी संरचना, वासलातको आकार, ग्राहक संख्याहरुको आधारमा सो बैंक निजी क्षेत्रको अग्रणी बैंकहरु मध्ये एक हो । ग्राहकहरुको अपार स्नेह, विश्वास तथा भरोसाका कारण बैंकले करीब १३५ अर्ब निक्षेप संकलन गरी करीब ११० अर्ब कर्जा प्रवाह गरिसकेको दावी पनि गरेको छ ।
हालसम्म एन आई सी एशिया बैंकमा जम्मा ग्राहकको संख्या करीब ११ लाख ५० हजार रहेको बैंकका सहायक प्रमुख कार्यकारी अधिकृत ९सूचना अधिकारी०सुधिर नाथ पाण्डेले बताएका छन्।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा