सेतो खबर
धुलिखेल रासस , फागुन ४ । प्रदेश नम्बर ३ का मुख्यमन्त्री डोरमणि पौडेलले आफूले धेरै कुरा बोल्नेभन्दा पनि काम गरेर देखाउने बताएका छन् । ‘पहिलोपटक प्रदेश सरकार गठन भएकाले यसको मोडेल कस्तो हुने भन्ने नै थाहा नभएकाले त्यस बारेमा धेरै कुरा गरेर भ्रम सिर्जना गर्न चाहन्न’ पौडेलले भने,–‘म धेरै कुराहरु बोल्दिन, काम गरेर देखाउँछु ।’
मुख्यमन्त्री पौडेलले प्रदेशको राजधानी विधि, नीति र संविधानसम्मत तोकिने बताए । धुलिखेल नगरपालिकाको ३२ औँ स्थापना दिवसका अवसरमा शनिबार आयोजित कार्यक्रममा उनले प्रदेशको राजधानी तोक्न हतार नभएको बताए ।
उनले जुन कामको लागि भनेर अस्थायी मुकाम तोकिएको छ, त्यो कामको शुरुवातसमेत नभएको बताए । त्यसको लागि कुनै दिन आउने र त्यही क्रममा विधि, नीति र संविधानले दिएको अधिकार प्रयोग गरेर राजधानी तोकिने उनको भनाई छ ।
मुख्यमन्त्री पौडेलले स्थानीय निकायको अधिकारको लागि २० वर्षसम्म स्थानीय स्वायत्त शासन र सरकारको पक्षमा गरेको आन्दोलनको उपलब्धिस्वरुप नगरपालिकाहरु सरकारका रुपमा स्थापित भएको बताए ।रासस
बिबिसि । नेपालमा अहिले कोरोनाभाइरस सङ्क्रमणको दर र त्यसबाट प्रभावित हुने उमेर समूहलाई लिएर सरकारी अधिकारीहरूले नै गम्भीर चिन्ता व्यक्त गरेका छन्। गत वर्षको भन्दा... विस्तृतमा
