सेतो खबरद्वारा प्रकाशित गरिएको हो |
काठमाण्डौ, माघ २५ । जनता बैंकले एकसाथ दुई नयाँ शाखा विस्तार गरेको छ । आज एक कार्यक्रमका विच बैकले लेकसाइड पोखरा र अत्तरीया कैलाली मा एक साथ दुई शाखा विस्तार गरेको हो ।
बैंकले लेकसाइडमा ९३औं शाखाको रुपमा पोखारा लेखनाथ महानगरपालिकाका प्रमुख मानबहादुर जि.सि. र अत्तरीयाको ९४औं शाखाको रुपमा बैंकका संचालक रामबहादुर भण्डारी, गोदावरी नगरपालिकाका प्रमुख हरिसिं साउद र संचालक गौतमप्रसाद खनालबाट संयुक्त रुपमा समुद्घाटन गरेका हुन् ।
समारोहमा जिल्लाका उच्चपदस्थ सरकारी कर्मचारी, उद्योगी, व्यापारी , विभिन्न संघ संस्थाका प्रमुख तथा नागरिक समाजका अगुवाहरुको उपस्थिति रहेको थियो ।
बैंकले आफ्नो ग्राहकवर्गहरुलाई रेमिट्यान्स सेवा, ड्राफ्ट, भिसा ए.टि.एम. कार्ड सेवा, विभिन्न किसिमका निक्षेप तथा कर्जा सुविधाहरु साथै कुनै पनि शाखाबाट रकमझिक्न र राख्न सकिने जस्ता सुविधाहरुपनि उपलब्ध गराउँदै आएको छ ।
मुलुक संघीय प्रणालीमा गएसंगै अब दुर्गम क्षेत्रका सर्वसाधारणले बैंकिंग सेवा लिन जिल्ला सदरमुकाम वा शहर बजारमै पुग्नु पर्ने बाध्यात्मक परिस्थितिको अन्त्य गर्दे बैंकले थप शाखाहरु विस्तार गर्ने योजना अघि सारेको छ । बैकले हाल ९४शाखा, २६ शाखा रहित बैंकिङ्ग, ३ सीमित बैंकिङ्ग ईकाइ,३ एक्सटेन्सन काउन्टर तथा ६७ एटिएमहरु मार्फत करिव ५ लाख ग्राहकलाई सेवा पुर्याउदै आइरहेको छ ।
बैंकले हाल ५२ अर्ब ४४ करोड निक्षेप र ४९ अर्ब २४ करोड कर्जा प्रवाह गरेको छ।
हाल बैंकको चुक्ता पुँजी ६ अर्ब ९९ करोड ३६ लाख ९४ हजार रुपैयाँ रहेकोमा हालै बैकको बसेको सञ्चालक समितिको बैठकले १४.४० प्रतिशतले हुन आउने रु. १ अर्ब ७० लाख ९१ ह्जार ९ सय ३६ रुपैया बोनस शेयर दिने निर्णय पश्चात राष्ट्र बैकले तोकेको न्यूनतम चुक्ता पुँजी ८ अर्व पुर्याउनु पर्ने नियमानुसार बैकको चुक्ता पुँजी ८ अर्ब ७ लाख ८५ हजार ९३६ रुपैयाँ हुनेछ ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा