सेतो खबर
काठमाडौँ, १६ साउन । साताको तेस्रो दिन शेयर बजारमा कारोबार रकमले नयाँ रेकर्ड बनाएको छ । आज एकैदिन २१ अर्ब ९१ करोड ११ लाख रुपैयाँ बराबरको शेयर कारोबार हुँदा ऐतिहासिक रेकर्ड कायम भएको हो ।
आज शेयर बजार परिसूचक नेप्से ६४ दशमलव २५ अङ्कले बढेर २ हजार ७६० दशमलव ९० विन्दुमा पुगेको छ ।
यसदिन ३३२ वटा कम्पनिको ५ करोड ९ लाख कित्ता शेयर २१ अर्ब ९१ करोडमा किनबेच भयो । सबैभन्दा धेरै हिमालयन रिइन्सुरेन्स कम्पनीको ८४ करोड ४९ लाख रुपैयाँ बराबरको शेयर किनबेच भएको छ ।
यसअघि २०७८ साल साउन ३१ गते २१ अर्ब ६४ करोड ७६ लाख रुपैयाँ बराबरको शेयर कारोबार भएको थियो ।
आज सबै समूहको शेयर बढेकोमा बीमा, फाइनान्स, होटल, विकास बैंक, उत्पादन, व्यापार समूहको शेयर उच्च अङ्कले उकालो लागेको छ ।
आज १० वटा कम्पनीका शेयर १० प्रतिशतले बढेको छ । यस्तै ११ वटा कम्पनीको शेयर नौ प्रतिशतभन्दा धेरैले उकालो लागेको छ । समग्रमा बजार बढेको दिन सिभिल बैंक डिबेन्चर २०८८ को शेयर भने झन्डै आठ प्रतिशतले घटेको छ ।
काठमाडौँ । ज्योतिष शास्त्रमा पञ्चक अवधिलाई अशुभ अवधि मानिएको छ र यस अवधिमा कुनै पनि शुभ कार्य गर्न निषेध गरिएको छ। पञ्चक अवधिलाई अशुभ नक्षत्रको संयोग मानिन्छ र शनिबार... विस्तृतमा
