नेपाली बजारमा थाहा पाउनु होस्,आजको सुन भाउ

जेठ २२–काठमाडौं, नेपाली बजारमा सोमबार सुनको भाउ स्थिर रहेको छ । अघिल्लो दिन तोलामा ६ सय रुपैयाँ महंगिएको सुनको भाउ आज भने कुनै परिवर्तन भएको छैन ।  नेपाल सुनचाँदी व्यवसायी महासंघका अनुसार आज पनि नेपाली वजारमा ५५ हजार २ सय रुपैयाँ प्रतितोला सुनको कारोवार भइरहेको छ ।

अघिल्लो दिन पनि सोही भाउमा कारोवार भएको थियो । तर, गत साताको शुक्रबार तोलाको ५४ हजार ६ सय रुपैयाँ रहेको सुन आइतबार भने बढेको हो ।
आज चाँदीको भाउ पनि कुनै फेरवदल भएको छैन । महासंघका अनुसार चाँदी पनि आज तोलाको ७ सय ७५ रुपैयाँमा कारोवार भइरहेको छ ।