सेतो खबरद्वारा प्रकाशित गरिएको हो |
काठमाडौं, २२ चैत । करिब तीन वर्षपछि भएको यूएन स्याट परीक्षामा यो वर्ष ठूलै लफडा भयो । राष्ट्रसंघीय शान्ति मिसन अन्तर्गत अनपोल मिसनमा जानका लागि लिइने यस्तो परीक्षाका लागि राष्ट्रसंघको हेडक्वार्टरबाटै तीन अधिकारी काठमाडौं आएका थिए ।
दृष्टि साप्ताहिकमा खबर छ– सशस्त्र प्रहरी मुख्यालयमा भएको परीक्षामा प्रश्नपत्र आउट भएपछि ठूलै हल्लीखल्ली मच्चियो । त्यो विषय राष्ट्रसंघीय शान्ति मिसन मुख्यालयसम्म पुग्यो । त्यसपछि टोलीले पहिलो परीक्षा बीचमै रद्द गरी दोस्रो परीक्षा लियो ।
पहिलो परीक्षामा सबै उत्तीर्ण गरेका चार जना दोस्रो परीक्षामा फेल भए । रमाइलो के छ भने फेल हुनेमा सिनियर प्रहरी अधिकारीहरुसमेत छन् । तर, ५ जना सिपाही र हवल्दारसमेतले स्याट परीक्षा पास गरेका छन् ।
एसएसपीहरु ठाकुर ज्ञवाली, तारिणी लम्साललगायत परीक्षामा अनुत्तीर्ण भएको स्रोत बताउँछ । त्यसो त पहिलो परीक्षा रद्द गर्नुमा फेल भएकै टोलीहरुको भूमिका थियो ।
आफूहरु फेल भएपछि प्रश्नपत्र लिक भएको भन्दै हल्ला मच्चएर उनीहरुले दोस्रो परीक्षा गराएका थिए । तर, त्यसरी परीक्षाको नतिजा रद्द गराउन लगाउने केही व्यक्तिहरु भने दोस्रो परीक्षामा पनि अनुत्तीर्ण भएका छन् । नेपाल प्रहरी र सशस्त्र गरेर करिब ४ सय ३० जनाले स्याट परीक्षा उत्तीर्ण गरेका छन् ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा