सेतो खबर
जनकपुर: मधेस केन्द्रित दलहरुले संविधान संशोधनबिना स्थानीय तहको निर्बाचन कुनै पनि हालतमा हुन नदिने बताइँरहदाँ म्यादी पुलिसमा भर्ना हुन धनुषाका युवाहरुले भीड लागेको छ।
स्थानीय तहको निर्वाचनको चहलपहल नदेखिए पनि उम्मेदवारहरुले आन्तरिक तयारी गरिरहेका बेला बेरोजगार युवाहरुले म्यादी पुलिस बन्नका लागि जिल्ला प्रहरी कार्यालय धनुषामा आबेदन दिइरहेका छन् ।
प्रहरी जवानसरहको ५५ दिनको लगभग ४० हजार रुपैयाँ सेवा सुबिधा पाउने भएकाले युवायुवती आकर्षित भएका हुन् । म्यादीको प्रमाणपत्र समेत पाइने भएकाले आवेदन दिन लागिएको युवाहरुले बताए ।
दुई दिनमा ७ सय २० जनाले आवेदन दिएको प्रहरी नायव निरीक्षक मनोजकुमार यादवले बताए।
उनले आज बेलुकासम्ममा यो संख्यामा दोब्बर पुग्ने बताए । संख्या खुलाएर पत्र नआए पनि दोस्रो संविधानसभा निर्वाचनमा भर्ना गरिए अनुसार नै स्थानीय तहका लागि पनि १५ सय जना म्यादी भर्ना गर्ने तयारी रहेको जिल्ला प्रहरी कार्यालय धनुषाले जनाएको छ ।
बिबिसि । नेपालमा अहिले कोरोनाभाइरस सङ्क्रमणको दर र त्यसबाट प्रभावित हुने उमेर समूहलाई लिएर सरकारी अधिकारीहरूले नै गम्भीर चिन्ता व्यक्त गरेका छन्। गत वर्षको भन्दा... विस्तृतमा
