सेतो खबर
दाङ -सरकारले यही वैशाख ३१ गते स्थानीय तहको चुनाव गर्ने घोषणा गरेसँगै यहाँका युवाले दौडधूप थालेका छन् । उनीहरुले टिकटका लागि जिल्लादेखि केन्द्रसम्ममा आफ्नो पक्षमा पैरबी गर्न सुरु गरेका छन् ।विगत लामो समयदेखि लामो समयदेखि स्थानीय चुनाव नभएकाले पनि युवा वर्गले नेतृत्व गर्ने अवसर पाउन सकेका छैनन् । त्यसकारण पनि अहिले युवाको आकाङ्क्षा बढी देखिनु स्वाभाविक भएको नेताहरु बताउँछन् ।कतिपय युवाले सामाजिक सञ्जालमार्फत उम्मेदवार भएको घोषणासमेत गरेका छन् । स्थानीय तहको चुनाव लामो समयदेखि नहुँदा आफूहरु राजनीतिमा आउन समेत नपाएको युवा नेता कुलबहादुर विष्टले बताए ।
उनले भने – “म राजनीतिमा आउने समयदेखि स्थानीय चुनाव भएको छैन ।” जिल्लामा युवा सक्रिय भएर पार्टीलाई दबाब दिएपनि प्रमुख पार्टीले दबाब नआएको बताएका छन् । नेपाली काँग्रेसका जिल्ला सभापति कीर्तिबहादुर खड्काले अहिलेसम्म पार्टीमा युवा जमातको दबाब नआएको बताए ।लामो समयदेखि चुनाव नभएकाले पनि युवा उत्साहित हुनु स्वभाविक रहेको उनको भनाइ छ ।नेकपा (एमाले)का जिल्ला अध्यक्ष टीकाराम खड्काले स्थानीय तहको चुनावमा टिकट पाउन युवा वर्गको कुनै दबाब नआएको र अबको नेतृत्व युवाले गर्ने अवसर आएको बताए ।
“युवाको चासो हुनु स्वभाविक हो तर दबाब छैन,” लामो समयपछि हुन लागेको चुनावमा युवाले अवसर पाउनुपर्ने उनको भनाइ छ ।उनका अनुसार पार्टीले चैतको अन्त वा वैशाख पहिलो सातासम्म उम्मेदवारको छनोट गरिसक्ने छ ।नेकपा (माओवादी केन्द्र) जिल्ला इन्चार्ज जीवन गौतमले माओवादी पार्टी युवाको नै पार्टी भएको बताए ।“पार्टीमा धेरै युवा नै रहनुभएको छ,” गौतमले भन्नुभयो । पार्टीमा आन्तरिक रुपमा चुनाव लागेको उनको भनाइ छ ।
दाङमा २७ दल दर्ता
वैशाख ३१ गते हुन लागेको निर्वाचनमा जिल्लामा २७ राजनीतिक दलले दल दर्ता गराएका छन् । निर्वाचन आयोगले पार्टी दर्ता माग गरेको समयावधिमा जिल्लामा २७ वटा दलले दल दर्ता गरेको निर्वाचन कार्यालय दाङका सूचना अधिकारी गेहेन्द्र कँुवरले जानकारी दिएका छन् ।आयोगले पुस २५ गतेसम्म जिल्लास्तरीय समितिमार्फत क्षेत्रीय वा जिल्ला निर्वाचन कार्यालयमा विवरण बुझाउन आह्वान गरेको थियो ।
यसअनुसार नेपाली काँग्रेस, नेकपा (एमाले), नेकपा (माओवादी केन्द्र), जनजागरण पार्टी नेपाल, तराई–मधेस सद्भावना पार्टी नेपाल, सङ्घीय समाजवादी फोरम नेपाल, नेपाल कम्युनिष्ट पार्टी माले, राष्ट्रिय जनमोर्चा, नेपाल परिवार दल, सद्भावना पार्टी, राष्ट्रिय मधेस समाजवादी पार्टी र मधेसी जनअधिकार फोरम लोकतान्त्रिक पार्टी रहेका छन् ।त्यस्तै, राष्ट्रिय प्रजातन्त्र पार्टी, थरहट तराई पार्टी, नेपाल जनता पार्टी, नेपाल आमा पार्टी, राष्ट्रिय जनशक्ति पार्टी, नेपाल पूर्व राष्ट्रसेवक लोकतान्त्रिक पार्टी, सङ्घीय लोकतान्त्रिक राष्ट्रिय मञ्च, नेपाल कम्युनिष्ट पार्टी, सङ्घीय लोकतान्त्रिक राष्ट्रिय मञ्च, राष्ट्रिय त्रिमूल बहुजन समाजवादी पार्टी, नयाँशक्ति पार्टी नेपाल, हाम्रो पार्टी, नेपाल कम्युनिष्ट पार्टी माक्र्सवादी, जनसमाजवादी पार्टी नेपाल र देशभक्त समाज पार्टीले निर्वाचनमा भाग लिने भएका छन् ।रासस
बिबिसि । नेपालमा अहिले कोरोनाभाइरस सङ्क्रमणको दर र त्यसबाट प्रभावित हुने उमेर समूहलाई लिएर सरकारी अधिकारीहरूले नै गम्भीर चिन्ता व्यक्त गरेका छन्। गत वर्षको भन्दा... विस्तृतमा
