सेतो खबरद्वारा प्रकाशित गरिएको हो |
काठमाडौं – उर्जा मन्त्री जनार्दन शर्माले राष्ट्र सेवक कर्मचारीको लगानीमा पश्चिम कर्णाली परियोजना अगाडि बढाउने बताएका छन् । आज ललितपुरमा भएको कार्यक्रममा उर्जामन्त्री शर्माले राष्ट्रलाई समृद्ध बनाउने उज्यालो नेपाल अभियानलाई सफल पार्नुपर्ने बताए ।मन्त्री शर्माले नेपालको पानी जनताको लगानी भन्ने नारालाई मूर्त रुप लिन लगानी प्रतिबद्धता मागिएको पनि बनाए । मन्त्री शर्माले माध्यामिक शिक्षा परीक्षाको समय पारेर अहिले देशभर लोडसेडिङमुक्त गरिएको र यसलाई निरन्तरा दिने योजना बनेको बताए ।
हरेक वर्ष मार्च २२ तारिखका दिन विश्वभर मनाइने विश्व पानी दिवस र मार्च २३ को दिन मनाइने मौसम दिवसको सन्दर्भ पारेर नेपालमा विभिन्न कार्यक्रमको आयोजना गरेर राष्ट्रिय जल तथा मौसम सप्ताह आयोजक समितिले कार्यक्रमको आयोजना गरेको हो ।
विद्युत्भार कटौती अन्त्य भयो:मन्त्री शर्माले माध्यमिक शिक्षा परीक्षाको समय पारेर अहिले देशभर विद्युत्भार कटौतीमुक्त गरिएको र त्यसलाई निरन्तर रुपमा अगाडि बढाउने योजनामा सरकार लागेको बताए ।उपलब्ध साधन र स्रोतको समुचित प्रयोग गरेर मुलुकमा नयाँ आशा र चेतना छर्न सरकार सफल भएको भन्दै विद्युत् उत्पादन, वितरण तथा प्रयोगमा समेत सबैको साथ र सहयोग जरुरी रहेको उनको भनाइ थियो । जलविद्युत् उपयोग गर्ने नीतिको अभाव देखिएको, पानीको क्षेत्रमा गर्ने कुरा धेरै भए पनि कामकाजी संस्थालाई निष्क्रिय बनाइएकाले पनि प्रभावकारी काम हुन नसकेको भन्दै उनले अब त्यसरी नचल्ने स्पष्ट पारे।
मन्त्री शर्माले पश्चिम कर्णालीमा आम राष्ट्रसेवकको लगानी गरेर अगाडि बढाउने योजना अगाडि सारिएको जानकारी दिँदै उनले माथिल्लो अरुणमा नागरिक लगानी कोषको पैसा लगानी गरेर नेपाल विद्युत् प्राधिकरणले योजना अगाडि बढाउने बताए । सरकारको दायित्व रहने गरी बूढीगण्डकी बहुउद्देश्यीय आयोजना अगाडि बढाइएको र स्वदेश तथा विदेशबाट पनि लगानी जुटाउन मन्त्रालय लागिपरेको उनको कथन थियो ।
मन्त्रीले के भने ?
–उर्जाको अभावमा पानी पानी पनि हुँदैन ।
–विद्युत उपयोग गर्ने नीतिको अभाव देखियो ।
–पानीको क्षेत्रमा गर्ने कुरा धेरै छन् । तर, संस्थाहरुलाई निस्क्रिय बनाएर रााखिएको रहेछ ।
–उर्जा मन्त्रालयले एकै पटक १० योजना अगाडि बढाउने ।
–पश्चिम कर्णालीमा आम राष्ट्र सेवकको लगानी गरेर अगाडि बढाउदैछौँ । उर्जा सचिवलाई जिम्मा दिइएको छ । उहाँको नेतृत्वमा यो काम गर्छ ।
–खर्च पुगेन भनेर कर्मचारी दायाबाया गर्ने सोच हटाउने योजना पनि हो ।
–उपल्लो अरुणमा नागरिक लगानी कोषको पैसा लगानी गरेर विद्युत प्राधिकरणले बनाउँछ ।
–दक्षिणकाली योजना आम नेपाली जनताको लगानीमा अगाडि बढाउन चाहन्छौँ ।
–सरकारको दायित्व सप्तकोषी, बुढगण्डकी योजना अगाडि बढाउँदैछौँ ।
–म आज कोरिया जाँदैछु, त्यहाँ पनि यो लगानी विस्तारको विषयमा कुरा हुन्छ ।
–लोडसेडिङको अन्त्यले देशमा ठूलो आशा पलाएको छ ।
–पाँच बर्षमा हामी समृद्धिको एउटा खुट्किलो पार गर्न सक्छौँ । इमान्दारीतापूवर्क अगाडि जाने हो भने सम्भव छ ।
–प्रकृतिले हामीलाई धेरै दिएको छ । हामीले पाएको बरदानको सदुपयोग भएको छैन् ।
–अहिले पनि परम्परागत सोच छन् । यसमा सुधारको संकल्प पनि जरुरी छ ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा