सेतो खबर
३ चैत, नेकपा एमालेका अध्यक्ष केपी शर्मा ओलीले कञ्चनपुरको आनन्दबजारमा भएको गोविन्द गौतम हत्या प्रकरणमा भारतले नेपाल र नेपाली जनता समक्ष माफी माग्नुपर्ने बताएका छन् ।महेन्द्रनगरमा आयोजित मेची-महाकाली अभियानको अन्तिम सभालाई सम्बोधन गर्दै ओलीले यो घटनामा नेपाल सरकारले लटर पटर गर्न नपाउने बताए । उनले भने, ‘मैले प्रधानमन्त्रीलाई भेटेर भनिसकेको छु, यो घटनामा भारतले नेपाल र नेपाली जनतासमक्ष क्षमायाचना गर्नैपर्छ । त्यसको लागि सरकारले अडान लिनुपर्छ ।’उनले गौतम परिवारलाई भारतबाट क्षतिपूर्ति भराउन सरकारले पहल गर्नुपर्ने समेत बताएका छन् । साथै सिमानाको रक्षाका लागि कञ्चनपुरबासीले देखाएको विरताप्रति सलाम गर्ने ओलीले बताए ।
गौतमको परिवारलाई ५ लाख रुपैयाँ राहत:ओलीले पार्टीको तर्फबाट शहीद गोविन्द गौतमको परिवारलाई ५ लाख रुपैयाँ राहत रकमको घोषणा गरे । पार्टीको तर्फबाट घोषणा गरिएको सहयोग रकमको चेक ओलीले गौतमका परिवारले पाउने गरी जिल्ला अध्यक्ष तारा लामालाई हस्तान्तरण गरेका छन् ।उनले गोविन्द गौतमका परिवारको भरणपोषण तथा छोरा छोरीको शिक्षा दीक्षाको जिम्मा राज्यले नलिएको खण्डमा एमालेले जिम्मा लिने घोषणा गरे । पूर्व प्रधानमन्त्रीसमेत रहेका ओलीले भने- सरकारले गरेन, कसैले हेरेनन् भने एमाले छ, एमालेले जिम्मा लिन्छ ।’कार्यक्रममा एमाले महासचिव ईश्वर पोखरेलले कञ्चनपुर घटनामा घाइते भएका टिकाराम चापागाईँको उपचार खर्च पनि एमालेले व्यहोर्ने बताए ।
बिबिसि । नेपालमा अहिले कोरोनाभाइरस सङ्क्रमणको दर र त्यसबाट प्रभावित हुने उमेर समूहलाई लिएर सरकारी अधिकारीहरूले नै गम्भीर चिन्ता व्यक्त गरेका छन्। गत वर्षको भन्दा... विस्तृतमा
