सेतो खबरद्वारा प्रकाशित गरिएको हो |
काठमाण्डौँ । ‘टिम टेनिस नेपाल’ द्धारा आयोजना गरीएको ‘टिम टेनिस नेपाल इनअगरल जुनियर प्रिमियर टेनिस प्रतियोगिता’ आजबाट शुरु भएको छ । एक कार्यक्रमका बिच युवा तथा खेलकुद मन्त्रि दावा तामाङले उक्त प्रतियोगिताको उद्धघाटन गर्नुभएको हो ।
प्रतियोगितामा यू–८, यू–९, यू–१०, यू–११, यू–१२, यू–१४ र यू–१६ उमेर प्रतिस्पर्धा हुने आयोजकले जनाएको छ । यू–९ उमेर समुहमा ब्वाइज÷गल्र्स सिंगल्स र डबल्स खेल हुनेछ भने यू–९ को डबल्स प्रतिस्पर्धा नेपालमै पहिलो पट हुन लागेको हो । त्यस बाहेक बाँकी उमेर समुहमा ब्वाइज÷गल्र्सको सिंगल्स प्रतिस्पर्धा हुनेछ । यस्तै यू–८ देखी यू–१६ मा सहभागीहरुको खुल्ला डबल्र्स प्रतिस्पर्धा पनि हुनेछ ।
प्रतियोगीतामा १ सय २९ खेलाडीहरुले सहभागीता जनाउनेछन् भने खेल आज (फागुन २) देखी फागुन ७ गतेसम्म टिम टेनिस नेपाल आफैले निर्माण गरेको धापाखेल टेनिस कोर्टमा हुनेछ । प्रतियोगिता सञ्चालन गर्न करिब १ लाख ५० हजार लाग्ने अनुमान आयोजकले गरेको छ ।
धापाखेल टेनिस कोर्ट जुनियर टेनिस खेलाडीका अभिवावकहरु मिलेर निर्माण भएको हो । करिब साढे ६ रोपनि क्षेत्रफलमा फैलिएको कोर्टमा ५क्ले कोर्ट निर्माण् भईसकेको छ । ३ वटा डबल कोर्ट तथा यू–८ र यू–९ को १–१ वटा गरी ५ वटा कोर्ट निर्माण भएको छ । यस टेनिस कम्प्लेक्समा ८ वर्षदेखि २० बर्ष उमेर समूहका टेनिस खेलाडीहरुका साथै भेटरान खेलाडीहरुलाई पनि प्रशिक्षणको ब्यवस्था मिलाइएको छ । कम्प्लेक्समा हाल ३२ जना खेलाडीहरु प्रशिक्षण छन्।
उच्चस्तरको टेनिस प्रशिक्षण मार्फत उच्चस्तरका खेलाडीहरु उत्पादन गरी यस टेनिस कम्प्लेक्सलाई एसियाकै स्तरीय टेनिस प्रशिक्षण हब बनाउने टिम टेनिस नेपालको लक्ष्य रहोको छ । २ करोड ५० लाख लागतमा कोर्ट निर्माण गरिएको हो ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा